– 27 సర్పంచ్ లకు 8 నామినేషన్ లు దాఖలు
– 234 వార్డులకు 11 నామినేషన్ లు నమోదు
– కేంద్రాలను పరిశీలించిన ఎంపీడీఓ అప్పారావు
నవతెలంగాణ – అశ్వారావుపేట
రెండో దశలో జరగనున్న ఎన్నికల ప్రక్రియలో అశ్వారావుపేట మండలంలో ఆదివారం ప్రశాంతంగా నామినేషన్ లు ప్రక్రియ ప్రారంభం అయింది. మొదటి రోజు 27 పంచాయితి ల నుండి 8 మంది సర్పంచ్ పదవులకు నామినేషన్ లు దాఖలు చేసారు.234 వార్డులకు గాను 11 మంది నామినేషన్ లు వేసారు. అనంతారం,గాండ్లగూడెం,ఆసుపాక,మద్ది కొండ,నందిపాడు,నారాయణపురం,వినాయక పురం,ఊట్లపల్లి పంచాయితి ల నుండి సర్పంచ్ కొరకు ఒక్కొక్క నామినేషన్ చొప్పున నమోదు అయ్యాయి. మద్దికొండ 8,నారాయణపురం,నారం వారి గూడెం కాలనీ ఒక్కొక్కటి,వినాయక పురం 2 చొప్పున వార్డులకు నామినేషన్ లు వేసారు.
ఎంపీడీఓ అప్పారావు,సీఐ నాగరాజు రెడ్డి,ఎస్ఐ లు యయాతి రాజు,అఖిల లు నామినేషన్ కేంద్రాలను పరిశీలించారు. ఆర్.ఓ లు గా సీ హెచ్. చంద్రకళ, జి.విజ్ఞేశ్వరరావు, బీ.శారద,కే.రవీంద్ర బాబు,ఐ.శ్రీనివాసరావు,కే అమృత దేవి,కే.వెంకటేశ్వర్లు,ఎం.లక్ష్మినారాయణ,కే.విజయలక్ష్మి,ఎం.అరవింద్ కుమార్,బి.ప్రేమ రాజ్య లక్ష్మి,మేకల సంతోష్ కుమార్,బి.శారద,ఎన్.సుమతి,ఎం.లక్ష్మి ప్రసన్న లు విధులు నిర్వహించారు.
