పార్టీ ప్రాబల్యం ఉన్న పంచాయితిల్లో సత్తా చూపిస్తాం

– సీపీఐ(ఎం) బలపరిచిన అభ్యర్ధులు నామినేషన్
– సీపీఐ(ఎం) మండల కార్యదర్శి ప్రసాద్
నవతెలంగాణ – అశ్వారావుపేట
అశ్వారావుపేట మండలంలో సీపీఐ(ఎం) బలపరుస్తున్న అభ్యర్ధులు ఆదివారం నామినేషన్ లు దాఖలు చేసారు. నందిపాడు సర్పంచ్ అభ్యర్ధిగా కూరం దుర్గమ్మ, కోయ రంగాపురం పంచాయతి 6 వ వార్డుకు వర్షా రాజశేఖర్ లు ఒక్కో సెట్ నామినేషన్ లు వేసారు. ఈ సందర్బంగా సీపీఐ(ఎం) మండల కార్యదర్శి సోడెం ప్రసాద్ మాట్లాడుతూ పార్టీ ప్రాబల్యం ఉన్న పంచాయితి,వార్డ్ ల్లో మా సత్తా చాటుతాం అని అన్నారు. ప్రజా సమస్యలు పరిష్కారం కోసం నిత్యం పోరాడే వామపక్షాలు కు మద్దతు ఇవ్వాలని పిలుపునిచ్చారు. ఈ కార్యక్రమంలో మండల కమిటీ సభ్యులు కారం సూరిబాబు,మడకం నాగేశ్వరావు, సోయం సోమరాజు తదితరులు పాల్గొన్నారు.