సింగీతం శ్రీనివాసరావు దర్శకత్వంలో..

రిజినాలిటీకి, వినూత్న ప్రయోగాలకు చిరునామాగా నిలిచిన డైరెక్టర్‌ సింగీతం శ్రీనివాసరావు ఇప్పుడు తన కెరీర్‌లోనే అత్యంత ప్రతిష్టాత్మకమైన ప్రాజెక్ట్‌తో ప్రేక్షకుల ముందుకు వస్తున్నారు.
నాగ్‌ అశ్విన్‌ తెరకెక్కించిన ‘కల్కి 2898 ఏడి’కి క్రియేటివ్‌ సహకారం అందించిన తర్వాత, ఇప్పుడు ఆయనే స్వయంగా దర్శకత్వ బాధ్యతలు తీసుకుంటూ ఎస్‌ఎస్‌61ని తెరకెక్కిస్తున్నారు.
ఈ ప్రాజెక్ట్‌ను శనివారం పూజా కార్యక్రమంతో ఘనంగా ప్రారంభించారు.

ఈ సందర్భంగా విడుదల చేసిన అనౌన్స్‌మెంట్‌ వీడియోలో సింగీతం క్రియేటివిటీ, ఆయన సినిమాలపై ఉన్న ప్రేమ, తరతరాల దర్శకులపై ఆయన ప్రభావాన్ని గుర్తు చేసే క్లిప్స్‌ ఆకట్టుకున్నాయి. ‘పుష్పక విమానం, ఆదిత్య 369’ లాంటి క్లాసిక్స్‌ను మరోసారి గుర్తు చేశాయి. ఈ ప్రతిష్టాత్మక చిత్రాన్ని వైజయంతి మూవీస్‌ బ్యానర్‌పై నాగ్‌ అశ్విన్‌ నిర్మిస్తున్నారు. అనుభవం, ఆధునిక ఆలోచనలు కలిసి వస్తున్న ఈ కాంబినేషన్‌పై అంచనాలు భారీగా ఉన్నాయి. దేవి శ్రీ ప్రసాద్‌ మ్యూజిక్‌ అందించడం సినిమాకు మరింత ఎనర్జీని తీసుకురానుంది.