నవతెలంగాణ – మల్హర్ రావు
మండల కేంద్రమైన తాడిచెర్లలోని జిల్లా పరిషత్ ప్రభుత్వ ఉన్నత పాఠశాలలో 8,9వ తరగతి విద్యార్థులకు ఫిజికల్ సైన్స్ ఫోరం ఆధ్వర్యంలో ఫిజికల్ సైన్స్ టెస్ట్ కాటారం డివిజనల్ ఇంచార్జీ వి.కుమారస్వామి పర్యవేక్షణలో నిర్వహించారు. ఈ టాలెంట్ టెస్ట్ లో తాడిచెర్ల,మల్లారం, పెద్దతూండ్ల, రుద్రారం, వళ్లెంకుంట జిల్లా పరిషత్, ఎడ్లపల్లి మోడల్ స్కూల్, దుబ్బపేట కస్తూరిబ్బా ఒక్కొక్క పాఠశాల నుంచి ముగ్గురు విద్యార్థులు హాజరైయ్యారు.
ఈ టాలెంట్ టెస్ట్ లో తాడిచెర్ల ఉన్నత పాఠశాలకు చెందిన బి.సిరిచందన, యమ్ డి.శైలాని, పి.వర్దిని ప్రథమ, ద్వితీయ, తృతీయ స్థానాలను గెలుపొంది 21న జిల్లాలో నిర్వహించబోయే టెస్టుకు ఎంపికైనట్లుగా పాఠశాల హెడ్ మాస్టర్ తిరుపతి తెలిపారు. విద్యార్థులను ఉపాధ్యాయులు కుమారస్వామి, వెంకటేశ్వర్లు అభినందించి,రాష్ట్ర స్థాయికిఎంపిక కావాలని ఆకాంక్షించారు.
