నవతెలంగాణ-హైదరాబాద్: భారత క్రికెట్ దిగ్గజం మాజీ ఆల్-రౌండర్ యువరాజ్ సింగ్ తొలి కోచింగ్ బాధ్యతలను చేపట్టేందుకు సిద్ధమవుతున్నట్లు తెలుస్తోంది.IPL-2027కి ముందు ఢిల్లీ క్యాపిటల్స్ (DC) కోచింగ్ సిబ్బందిలో చేరనున్నారు. ‘మాజీ భారత కెప్టెన్ సౌరవ్ గంగూలీ DC సహాయక సిబ్బందిలోకి తిరిగి రానున్నారు, అలాగే ఆయన యువరాజ్ను కూడా జట్టు కోచింగ్ బృందంలో (డగౌట్లో) చేర్చుకోవాలని భావిస్తున్నారు. JSW గ్రూప్ ఈ ఫ్రాంచైజీ నిర్వహణ బాధ్యతలను చేపట్టనుండటంతో ఈ భారీ మార్పులు జరగనున్నాయి. వచ్చే ఏడాది డీసీ యాజమాన్యం బాధ్యతలు మార్పులు జరగనున్నాయి.ఢిల్లీ క్యాపిటల్స్ జట్టును సహ-యజమానులైన GMR గ్రూప్, JSW గ్రూప్ రెండేళ్ల చొప్పున వంతులవారీగా నిర్వహిస్తాయి. 2025 మరియు 2026 సీజన్లలో GMR జట్టును నిర్వహించగా, తదుపరి రెండేళ్లపాటు JSW బాధ్యతలు చేపట్టనుంది.
గత JSW నిర్వహణ కాలంలో సౌరవ్ గంగూలీ ఫ్రాంచైజీ సహాయక సిబ్బందిలో కీలక పాత్ర పోషించారు, ఇప్పుడు 2027లో ఆయన తిరిగి వచ్చే అవకాశం ఉంది. గత రెండు సీజన్లలో గంగూలీ ఢిల్లీ క్యాపిటల్స్ ‘డైరెక్టర్ ఆఫ్ క్రికెట్’గా వ్యవహరించారు, ఆ సమయంలో హేమంగ్ బదాని ప్రధాన కోచ్గా నియమితులయ్యారు.
IPL 2026లో DC ప్రదర్శన మరింత అస్థిరంగా సాగింది. అక్షర్ పటేల్ సారథ్యంలో, KL రాహుల్, మిచెల్ స్టార్క్ మరియు కుల్దీప్ యాదవ్ వంటి స్టార్ ఆటగాళ్లు ఉన్నప్పటికీ, పాయింట్ల పట్టికలో ఆరో స్థానంలో నిలిచారు. ఈ ఫలితాల కారణంగా ప్రధాన కోచ్గా బదానీ స్థానం ప్రమాదంలో పడింది. 2027లో గంగూలీ తిరిగి సపోర్ట్ స్టాఫ్ బాధ్యతలు చేపట్టే అవకాశం ఉంది. అంతేకాకుండా, సపోర్ట్ స్టాఫ్లో యువరాజ్ కూడా ఉండాలని గంగూలీ కోరుకుంటున్నట్లు తెలుస్తోంది.
