నవతెలంగాణ – జుక్కల్
మండలంలోని కేమ్రాజ్ కల్లాలి జిపి గ్రామంలో బుధవారం గ్రామ కార్యదర్శి జీవన్ రాథోడ్ అధ్యక్షతన సర్పంచ్ కడ దొడ్డి చంద్రకళ గ్రామసభ నిర్వహించారు. ఈ సందర్భంగా గ్రామ సభల సర్పంచ్ చంద్రకళ మాట్లాడుతూ.. గ్రామంలోని పలు సమస్యలపై చర్చించడం జరిగిందని తెలిపారు. గ్రామంలో ప్రతి ఒక్కరూ ఇంటి పరిసరాలను శుభ్రంగా ఉంచుకోవాలని తెలిపారు.
ఇంటి పన్నుల బకాయిలను గ్రామపంచాయతీకి చెల్లిస్తే ఆ డబ్బులతోనే గ్రామాన్ని అభివృద్ధి చేసుకోవచ్చని గ్రామస్తులకు సూచించారు. గ్రామంలో అత్యవసర పనులు మొదటగా పరిష్కరించడం జరుగుతుందని అన్నారు. మొదటగా గ్రామంలో శానిటేషన్ పనులు , ఇందిరమ్మ గృహ నిర్మాణాలు, ఇంటి పన్నుల వసూళ్లు, ప్రతి ఒక్కరికి ఉపాధి హామీ పథకంలో 120 రోజులు పని కల్పించేందుకు కృషి చేస్తామని గ్రామసభలో చర్చించడం జరిగిందని తెలిపారు. ఈ కార్యక్రమంలో గ్రామ సర్పంచ్ తో పాటు ఉపసర్పంచ్, జిపి కార్యదర్శి, గ్రామస్తులు తదితరులు పాల్గొన్నారు.
