‘జై భీమ్` తరువాత మరోసారి

భారతీయ సినీ పరిశ్రమలో వరుస బ్లాక్‌బస్టర్ చిత్రాలతో తనదైన ముద్ర వేసుకున్న హోంబలే ఫిల్మ్స్ మరో ప్రతిష్టాత్మక ప్రాజెక్ట్‌ను అధికారికంగా ప్రకటించింది. విజయ్ కిరగందూర్ నిర్మాణంలో హీరో సూర్య, నటి కాయదు లోహర్, దర్శకుడు టి.జే. జ్ఞానవేల్ కాంబి నేషన్‌లో ఈ చిత్రం రూపొందనుంది.
దర్శకుడు టి.జే.జ్ఞానవేల్ ‘జై భీమ్’ చిత్రంతో దేశవ్యాప్తంగా ప్రశంసలు అందుకున్నారు.
ఈ సందర్భంగా హోంబలే ఫిల్మ్స్ వ్యవస్థాపకుడు విజయ్ కిరగందూర్ మాట్లాడుతూ, ‘సూర్య, టి.జే. జ్ఞానవేల్ తో కలిసి ప్రపంచవ్యాప్తంగా ప్రేక్షకుల హృదయాలను తాకే నిజాయితీగల, అర్థవంతమైన కథను చెప్పబోతున్నందుకు ఎంతో సంతోషంగా ఉంది` అని అన్నారు.
ఈ చిత్రానికి సాయి అభ్యంకర్ సంగీతం అందిస్తుండగా, ఎస్.ఆర్. కదిర్ సినిమాటోగ్రఫీ నిర్వహిస్తున్నారు. కె. కదిర్ ప్రొడక్షన్ డిజైనర్‌గా, ఫిలోమిన్ రాజ్ ఎడిటర్‌గా పని చేస్తున్నారు.
ఈ చిత్ర ముహూర్త కార్యక్రమం సోమవారం చెన్నైలోని పార్క్ హయత్ హోటల్‌లో ఘనంగా జరిగింది.