‘నదివే..నువ్వు నదివే’

రష్మిక మందన్న, దీక్షిత్‌ శెట్టి జంటగా నటిస్తున్న సినిమా ‘ది గర్ల్‌ ఫ్రెండ్‌’. నిర్మాత అల్లు అరవింద్‌ సమర్పణలో గీతా ఆర్ట్స్‌, ధీరజ్‌ మొగిలినేని ఎంటర్‌ టైన్‌ మెంట్‌ బ్యానర్స్‌ సంయుక్తంగా నిర్మిస్తున్నాయి. బ్యూటీఫుల్‌ లవ్‌స్టోరీతో దర్శకుడు రాహుల్‌ రవీంద్రన్‌ దీన్ని రూపొందిస్తున్నారు. ధీరజ్‌ మొగిలినేని, విద్య కొప్పినీడి నిర్మాతలుగా వ్యవహిస్తున్నారు.
బుధవారం ఈ సినిమా నుంచి ‘నదివే…’ అంటూ సాగే లిరికల్‌ సాంగ్‌ను హిందీతో పాటు తమిళ, తెలుగు, కన్నడ, మలయాళం..ఐదు భాషల్లో రిలీజ్‌ చేశారు. ఈ పాటను బ్యూటీఫుల్‌ మెలొడీగా కంపోజ్‌ చేసి, పాడారు మ్యూజిక్‌ డైరెక్టర్‌ హేషమ్‌ అబ్దుల్‌ వాహబ్‌. రాకేందు మౌళి లిరిక్స్‌ అందించారు.
‘నదివే నువ్వు నదివే, నీ మార్పే రానుంది వినవే. నదివే నువ్వు నదివే..నీకే నువ్వియాలి విలువే..సిలువ బరువేమోయక, సులువు భవితే లేదుగా, వెన్నెల వలదను కలువే నువ్వుగా..నదివే నువ్వు నదివే..’ అంటూ ప్రేయసి ప్రత్యేకతను పొగుడుతూ పొయెటిక్‌గా సాగుతుందీ పాట. చిత్రీకరణ తుది దశలో ఉన్న ఈ సినిమా రిలీజ్‌ డేట్‌ను మేకర్స్‌ త్వరలోనే అనౌన్స్‌ చేయబోతున్నారు.
ఈ చిత్రానికి సినిమాటోగ్రఫీ – కష్ణన్‌ వసంత్‌, సంగీతం – హేషమ్‌ అబ్దుల్‌ వాహబ్‌, ప్రొడక్షన్‌ డిజైన్‌ – ఎస్‌ రామకష్ణ, మౌనిక నిగోత్రి, సమర్పణ – అల్లు అరవింద్‌, నిర్మాతలు – ధీరజ్‌ మొగిలినేని, విద్య కొప్పినీడి, రచన -దర్శకత్వం – రాహుల్‌ రవీంద్రన్‌.