డిఫరెంట్‌ పాయింట్‌తో శ్రీ విష్ణు నయా చిత్రం

మైత్రి మూవీ మేకర్స్‌ మరో ఎగ్టైటింగ్‌ ప్రాజెక్ట్‌ను అనౌన్స్‌ చేసింది. హిలేరియస్‌ బ్లాక్‌బస్టర్‌ ‘సామజవరగమన’ను అందించిన తర్వాత శ్రీ విష్ణు, దర్శకుడు రామ్‌ అబ్బరాజు మరోసారి ఈ వెంచర్‌ కోసం జతకడుతున్నారు. ఇది మరింత వైల్డ్‌గా, ఫన్‌గా ఉంటుందని హామీ ఇస్తున్నారు. ‘శ్రీ విష్ణు, రామ్‌ అబ్బరాజు 2’ కంప్లీట్‌ డిఫరెంట్‌ స్టయిల్‌లో కొత్త కథాంశంతో కూడిన ఫ్రెష్‌ స్క్రిప్ట్‌. కాన్సెప్ట్‌, హై-వోల్టేజ్‌ హ్యుమర్‌ ఎక్కువగా ఉండే కథనంతో, ఈ చిత్రం నాన్‌-స్టాప్‌ వినోదాన్ని అందించబోతోంది అని చిత్రయూనిట్‌ తెలిపింది. ఈ చిత్రం దసరా శుభ సందర్భంగా శుక్రవారం గ్రాండ్‌గా లాంచ్‌ అయ్యింది.
ముహూర్తపు సన్నివేశానికి హీరో సాయి దుర్గ తేజ్‌ క్లాప్‌ కొట్టారు.

స్క్రిప్ట్‌ను నారా రోహిత్‌తో కలిసి నిర్మాతలకు అందజేశారు. నరేష్‌, వెన్నెల కిషోర్‌, సుదర్శన్‌, దర్శకులు వివేక్‌ ఆత్రేయ, హసిత్‌ గోలి కూడా ఈ ప్రారంభోత్సవ కార్యక్రమానికి హాజరయ్యారు. ‘సామజవరగమన’కి పని చేసిన రైటర్స్‌ భాను భోగవరపు, నందు సావిరిగణ మరోసారి స్క్రిప్ట్‌ రాయడానికి చేతులు కలిపారు. వారి సహకారం మరో మెమరబుల్‌ మూవీని అందించబోతోంది. నవీన్‌ యెర్నేని, వై రవిశంకర్‌ నిర్మిస్తున్న ఈ చిత్రంలో బలమైన తారాగణం, టాప్‌ టెక్నికల్‌ టీం పని చేస్తోంది. త్వరలో మేకర్స్‌ మిగతా వివరాలు తెలియజేస్తారు. ఈ చిత్రానికి దర్శకత్వం: రామ్‌ అబ్బరాజు, నిర్మాతలు: నవీన్‌ యెర్నేని, వై రవిశంకర్‌, రైటర్స్‌: భాను భోగవరపు, నందు సవిరిగణ.