పక్కా యాక్షన్‌ థ్రిల్లర్‌ ‘కాటాలన్‌’

పాన్‌-ఇండియా బ్లాక్‌బస్టర్‌ ‘మార్కో’ తరువాత క్యూబ్స్‌ ఎంటర్‌టైన్‌మెంట్స్‌, షరీఫ్‌ మహమ్మద్‌ నుంచి మరో భారీ ప్రాజెక్ట్‌గా ‘కాటాలన్‌’ రూపుదిద్దుకుంటోంది. ఈ యాక్షన్‌ థ్రిల్లర్‌ ఫస్ట్‌ లుక్‌ పోస్టర్‌ విడుదలైంది. ఈ చిత్రంలో హీరోగా అంటోని వర్గీస్‌ పెపే మాస్‌ అవతార్‌లో కనిపిస్తున్నారు. మంటల చుట్టూ, సిగరెట్‌తో, కళ్లలో జ్వాలలతో కనిపిస్తున్న ఆయన లుక్‌తోపాటు రక్తంతో తడిసిన ముఖం, చేతులు చూపిస్తున్న యాక్షన్‌ ఇన్‌టెన్సిటీతో సినిమాపై అందరిలోనూ రేకెత్తిస్తోంది. నూతన దర్శకుడు పాల్‌ జార్జ్‌ దర్శకత్వంలో తెరకెక్కుతున్న ఈ సినిమా గ్రాండ్‌ పూజా కార్యక్రమాలలో ప్రారంభమైంది. పాన్‌-ఇండియా కాన్సెప్ట్‌గా భారీ స్థాయిలో నిర్మిస్తునారు. థాయ్ లాండ్‌ యాక్షన్‌ సన్నివేశాలను ప్రపంచ ప్రఖ్యాత ఒంగ్‌-బాక్‌ సిరీస్‌ యాక్షన్‌ డైరెక్టర్‌ కెచా ఖాంఫఖ్డీ తన టీమ్‌తో కలిసి రూపొందించారు. అదే సిరీస్‌లో నటించిన పాంగ్‌ కూడా ఈ సినిమాలో కనిపించనుంది.

ఇందులో సునీల్‌, కబీర్‌ దుహాన్‌ సింగ్‌ (మార్కో), రాపర్‌ బేబీ జీన్‌, రాజ్‌ తిరందాసు (పుష్ప ఫేమ్‌), బాలీవుడ్‌ నటుడు పార్థ్‌ తివారి (కిల్‌ ఫేమ్‌), అలాగే మలయాళ సినీ నటులు జగదీష్‌, సిద్ధిక్‌, వ్లాగర్‌-సింగర్‌ హనాన్‌ షా కీలక పాత్రల్లో కనిపించనున్నారు. కథ, స్క్రీన్‌ప్లేను జోబీ వర్గీస్‌, పాల్‌ జార్జ్‌, జెరో జేకబ్‌ సంయుక్తంగా రాశారు. డైలాగ్స్‌ను ఉన్నీ ఆర్‌. రాశారు. ఈ సినిమా మలయాళం, తమిళం, తెలుగు, కన్నడ, హిందీ భాషల్లో గ్రాండ్‌ రిలీజ్‌ కానుంది. ఈ చిత్రానికి ఎగ్జిక్యూటివ్‌ ప్రొడ్యూసర్‌ – జుమాన్‌ షెరీఫ్‌, సినిమాటోగ్రఫీ – రెనదివ్‌, సంగీతం – బి. అజనీష్‌ లోక్‌నాథ్‌, ఎడిటింగ్‌ – షమీర్‌ మహమ్మద్‌, స్టంట్స్‌- కేచా ఖంఫక్డీ, యాక్షన్‌ సంతోష్‌, ప్రొడక్షన్‌ డిజైన్‌ – సునీల్‌ దాస్‌, క్రియేటివ్‌ ప్రొడ్యూసర్‌ – దీపిల్‌ దేవ్‌, ప్రొడక్షన్‌ కంట్రోలర్‌ – దీపక్‌ పరమేశ్వరన్‌, ఆడియోగ్రఫీ – రాజాకృష్ణన్‌, సౌండ్‌ డిజైన్‌ – కిషన్‌, సప్త రికార్డ్స్‌, కాస్ట్యూమ్‌ డిజైన్‌ – ధన్య బాలకృష్ణన్‌, సాహిత్యం – సుహైల్‌ కోయా, కొరియోగ్రఫీ – షరీఫ్‌.