అక్రమ పట్టాలు రద్దు చేయాలని వినతి 

నవతెలంగాణ కమ్మర్ పల్లి: మండలంలోని అమీర్ నగర్ గ్రామ పరిధిలో గల సర్వేనెంబర్ 73లో అక్రమ పట్టాలను రద్దు చేయాలని కోరుతూ అమీర్ నగర్ గ్రామ అభివృద్ధి కమిటీ సభ్యులు సోమవారం తహసిల్దార్ ఆంజనేయులకు వినతిపత్రం అందజేశారు. గ్రామ పరిధిలోని పోరంబోకు భూమి సర్వే నంబర్ 73లో చౌట్ పల్లి గ్రామానికి చెందిన కొందరు వ్యక్తులు అక్రమంగా పట్టాలు చేయించుకున్నారని వినతిపత్రంలో పేర్కొన్నారు. ఈ విషయమే గతంలో రెండు మూడు సార్లు వినతి పత్రాలు కూడా అందజేసినట్లు తెలిపారు. ప్రస్తుతం అట్టి భూమిలో విద్యుత్ స్తంభాలు వేసే పని జరుగుతుందని, కావున వారిపై తగు చర్యలు తీసుకోవాలని కోరుతూ వినతి పత్రం అందించారు. సర్వే నిర్వహించి అక్రమ పట్టాలను రద్దు చేయాలని విన్నవించారు. ఈ కార్యక్రమంలో స్థానిక గ్రామ అభివృద్ధి కమిటీ సభ్యులు, గ్రామస్తులు, తదితరులు పాల్గొన్నారు.

Related posts:

జీపీ ఆస్తుల భద్రత , నిర్వహణ రిజిష్టర్ల ను ఏర్పాటు చేయాలి  30న సలాబత్పూర్ ఆంజనేయ స్వామి దేవస్థానంలో హుండీ లెక్కింపు నకిలీ విత్తనాలు అమ్మితే పీడి యాక్ట్ కింద కేసు నమోదు చేస్తాం కాంగ్రెస్ కార్యకర్త కుటుంబాన్ని పరామర్శించిన ఎమ్మెల్యే భూపతి రెడ్డి ఘోర రోడ్డు ప్రమాదం మహిళ అక్కడికక్కడే మృతి.. కోటిన్నరతో పరారైన దంపతులు..