నవతెలంగాణ – ముంబై : ఐసీఐసీఐ ప్రుడెన్షియల్ లైఫ్ ఇన్సూరెన్స్ కంపెనీ, మహిళల కోసం ప్రత్యేకంగా ‘ఐసీఐసీఐ ప్రూ ఐప్రొటెక్ట్ స్మార్ట్ హర్’ (ICICI Pru iProtect Smart Her) అనే సమగ్ర టర్మ్ ప్లాన్ను ప్రవేశపెట్టింది. జీవిత బీమాతో పాటు ఆరోగ్యం, వెల్నెస్ ప్రయోజనాలను జోడించడం ద్వారా మహిళల మారుతున్న అవసరాలకు తగినట్లుగా ఈ కొత్త ప్లాన్ను రూపొందించారు.
మహిళల జీవితంలో కీలకమైన క్షణాల్లో వారికి అండగా నిలిచేలా ఈ ప్రయోజనాలను రూపొందించారు. జీవితాంతం 15% ప్రీమియం తగ్గింపు, మహిళలకోసం ప్రత్యేకమైన ఆరోగ్య నిర్వహణ సేవలు, గర్భధారణ సమయంలో ప్రీమియం చెల్లింపుల నుంచి వెసులుబాటునిచ్చే ప్రెగ్నెన్సీ బ్రేక్ ఫీచర్ ఇందులో ఉన్నాయి. అంతేకాకుండా, 10 సంవత్సరాల పాటు ప్రతి ఏటా పెరిగే ఆదాయ చెల్లింపు ఆప్షన్ ద్వారా పిల్లల విద్యకు భరోసా కల్పిస్తుంది. ఈ ఆప్షన్ కింద, పాలసీదారు మరణిస్తే నామినీకి ప్రతి ఏటా 10% చొప్పున 10 సంవత్సరాల పాటు క్రమంగా పెరుగుతూ వచ్చే ఆదాయం లభిస్తుంది.
“భారతీయ మహిళలు అనేక పాత్రలు పోషిస్తున్నారు. దీనివల్ల వారి ఆర్థిక ప్రణాళిక అవసరాలు భిన్నంగా ఉంటాయి. అవి జీవితంలోని వివిధ దశల్లో మారుతుంటాయి. అందుకే ప్రత్యేకమైన ఆరోగ్య అవసరాలను తీరుస్తూ పూర్తి రక్షణ కల్పించేలా ‘ఐసీఐసీఐ ప్రూ ఐప్రొటెక్ట్ స్మార్ట్ హర్’ను రూపొందించాము. జీవిత బీమాతో పాటు ప్రెగ్నెన్సీ బ్రేక్ బెనిఫిట్, జీవితకాల ప్రీమియం తగ్గింపు వంటి సదుపాయాలను అందించడం ద్వారా మహిళల ఆర్థిక భవిష్యత్తుకు మరియు సంక్షేమానికి మేము భరోసా ఇస్తున్నాము” అని ఐసీఐసీఐ ప్రుడెన్షియల్ లైఫ్ ఇన్సూరెన్స్ చీఫ్ ప్రొడక్ట్ ఆఫీసర్ శ్రీ వికాస్ గుప్తా తెలిపారు.
ఈ పాలసీలో మహిళల కోసం ప్రత్యేక ఆరోగ్య సేవలు అందుబాటులో ఉంటాయి. వివిధ విభాగాలకు చెందిన వైద్యులతో టెలికన్సల్టేషన్లు, వార్షిక ఆరోగ్య పరీక్షలు, ఆరోగ్య రిస్క్ అంచనాలు, వెల్నెస్ సమాచారం, మందులు మరియు డయాగ్నొస్టిక్స్పై డిస్కౌంట్లు లభిస్తాయి. మొత్తంగా ఈ పాలసీ ద్వారా రూ. 92,100 వరకు ప్రయోజనాలు పొందవచ్చు. ఇందులో మహిళలకోసం ప్రత్యేకంగా రూ. 25,000 విలువైన హెల్త్ అండ్ వెల్నెస్ ప్రయోజనాలు ఉన్నాయి.
ఈ కొత్త ప్లాన్ను కంపెనీ డిజిటల్ సేవల ద్వారా సులభంగా కొనుగోలు చేయవచ్చు. కస్టమర్లు ఎలాంటి ఇబ్బంది లేకుండా సులువుగా క్లెయిమ్ ప్రక్రియను పూర్తి చేసేలా డిజిటల్ సదుపాయాలు ఉంటాయి.
కస్టమర్ల భవిష్యత్తుకు భరోసానిచ్చే ఉత్పత్తులను అందించడమే ఐసీఐసీఐ ప్రుడెన్షియల్ లైఫ్ ఇన్సూరెన్స్ లక్ష్యం. కస్టమర్-కేంద్రీకృత విధానానికి నిదర్శనంగా, 2027 ఆర్థిక సంవత్సరం మొదటి త్రైమాసికంలో కంపెనీ 99.3% క్లెయిమ్ సెటిల్మెంట్ రేషియోను సాధించింది. అలాగే, విచారణ అవసరం లేని వ్యక్తిగత మరణ క్లెయిమ్లను సగటున కేవలం 1 రోజులోనే పరిష్కరిస్తోంది.
