– బ్లూమ్బెర్గ్
పాశ్చాత్య ఆంక్షలకు అనుగుణంగా దేశాన్ని నడపటంతో ముడిచమురు ధరలు పెరిగాయి. ఏడాది క్రితంతో పోలిస్తే రష్యా చమురు ఆదాయం గత నెలలో దాదాపు 50శాతం పెరిగిందని బ్లూమ్బెర్గ్ గురువారం రిపోర్ట్ చేసింది. అంతర్జాతీయ ఒత్తిడి, లోటు అంచనాలు ఉన్నప్పటికీ క్రూడ్ అమ్మకాల ద్వారా వచ్చే మాస్కో ఆదాయం పెరిగింది. రష్యా ఆర్థిక మంత్రిత్వ శాఖ డేటా ఆధారంగా తయారు చేసిన బ్లూమ్బెర్గ్ లెక్కల ప్రకారం మే నెలలో చమురు సంబంధిత పన్నులు 632.5 బిలియన్ రూబిళ్లు (7.1 బిలియన్ డాలర్ల)కు పెరిగాయి. మొత్తం చమురు, గ్యాస్ లాభాలు 39శాతం పెరిగి 793.7 బిలియన్ రూబిళ్లు (8.9 బిలియన్ డాలర్ల)కు చేరుకున్నాయని రష్యా ప్రధానంగా ఎగుమతి చేసే యురల్స్ క్రూడ్పై క్రమంగా పెరుగుతున్న ధరల డేటా చూపించింది.యురల్స్ బ్యారెల్ 74.98 డాలర్ల ధర ఆధారంగా మంత్రిత్వ శాఖ మే పన్నులను లెక్కించింది. ఇది ఏడాది క్రితం 58.63 డాలర్లు ఉండేది. రష్యన్ చమురుపై జి-7, యూరోపియన్ యూనియన్ ప్రవేశపెట్టిన ఆంక్షల కారణంగా బ్యారెల్కు 60 డాలర్ల ధర పరిమితి ఉన్నప్పటికీ, గ్లోబల్ బ్రెంట్ బెంచ్మార్క్లో యురల్స్ క్రూడ్కు ఇచ్చే డిస్కౌంట్ తగ్గింది. మాస్కో ఎగుమతి ఆదాయాలను తగ్గించడానికి డిసెంబర్ 2022లో ఆంక్షలు విధించబడ్డాయి. ఫిబ్రవరి 2023లో రష్యా పెట్రోలియం ఉత్పత్తుల ఎగుమతులపై ఇలాంటి పరిమితులు విధించబడ్డాయి.
ఈ ఆంక్షలకు ప్రతిస్పందనగా రష్యా తన ఇంధన ఎగుమతులను ఆసియాకు – ముఖ్యంగా భారతదేశం, చైనాలకు మార్చింది. ఇక్కడ రష్యా చమురు పశ్చిమ దేశాల ధరల పరిమితి కంటే ఎక్కువగా విక్రయించారు. ఆర్థిక మంత్రిత్వ శాఖ ఫెడరల్ బడ్జెట్కు చమురు, గ్యాస్ ఆదాయాలపై ప్రాథమిక నివేదికను మేలో విడుదల చేసింది. ఇది జనవరి, ఏప్రిల్ మధ్య ఇంధన ఎగుమతుల ద్వారా వచ్చే ఆదాయం 11.68 బిలియన్ రూబిళ్లు (131.2 మిలియన్ డాలర్లు) పెరిగింది. 2023లోని అదే కాలంతో పోలిస్తే ఇది 50.1శాతం పెరిగింది..ఆర్థిక మంత్రిత్వ శాఖ సమాచారం ఆధారంగా ఇంధన లాభాలు పెరిగినప్పటికీ ఈ ఏడాది చమురు, గ్యాస్ ఆదాయాల అంచనాలను 11.5 ట్రిలియన్ రూబిళ్లు (129.2 బిలియన్ డాలర్ల) నుంచి 10.99 ట్రిలియన్ రూబిళ్లు (123.4 బిలియన్ డాలర్ల)కు తగ్గించాలని ప్రతిపాదించారు. రష్యా చమురు ఈ ఏడాది 71.30 డాలర్ల మునుపటి ప్రొజెక్షన్తో పోలిస్తే ఈ ఏడాది బ్యారెల్కు 65 డాలర్ల వద్ద వర్తకం చేస్తుందని అంచనా వేస్తున్నందున ఈ డౌన్వర్డ్ రివిజన్ అవసరం ఏర్పడింది.