రైతు భరోసా సభలో డీఎస్‌బీ వాలంటీర్ల సేవలకు ప్రశంసల వెల్లువ

నవతెలంగాణ – కాటారం :
మండలం నస్తూరిపల్లి గ్రామంలో సోమవారం జరిగిన రైతు భరోసా కార్యక్రమం అట్టహాసంగా నిర్వహించబడింది. ఈ సందర్భంగా జరిగిన ముఖ్యమంత్రి సభ విజయవంతం కావడంలో డీఎస్‌బీ వాలంటీర్ల సేవలు కీలక పాత్ర పోషించాయి. వారి కృషి, సమన్వయం, సేవాభావం కార్యక్రమాన్ని మరింత విజయవంతంగా నిలిపాయని ప్రజలు, అధికారులు అభినందనలు తెలిపారు.
సభ ఏర్పాట్ల నుండి ప్రజల నిర్వహణ వరకు ప్రతి అంశంలోనూ వాలంటీర్లు చురుకుగా వ్యవహరించారు. గ్రామానికి వచ్చిన రైతులకు మార్గదర్శనం చేయడం, సౌకర్యాలు కల్పించడం, కార్యక్రమం సజావుగా జరిగేలా కృషి చేయడం వంటి పనుల్లో వారు ముందుండి సేవలు అందించారు. ముఖ్యంగా వేడికాలంలో కూడా అలసట లేకుండా పనిచేసిన తీరు అందరి ప్రశంసలు పొందింది.
రైతు భరోసా పథకం ద్వారా ప్రభుత్వం రైతులకు అందిస్తున్న మద్దతును ప్రజలకు చేరవేసే ఈ సభలో వాలంటీర్లు చేసిన సేవలు ఆదర్శప్రాయంగా నిలిచాయి. గ్రామస్థులు, రైతులు డీఎస్‌బీ వాలంటీర్ల సేవాభావాన్ని కొనియాడుతూ వారికి కృతజ్ఞతలు తెలిపారు.
ఈ కార్యక్రమం విజయవంతం కావడంలో సహకరించిన ప్రతి ఒక్కరికీ అధికారులు అభినందనలు తెలియజేశారు. డీఎస్‌బీ వాలంటీర్ల సేవలు భవిష్యత్తులో కూడా ఇలాగే కొనసాగాలని ఆశాభావం వ్యక్తం చేశారు