ఆనాటి ఉపాధ్యాయడు

ఆనాటి ఉపాధ్యాయుడికి
అలనాటి విద్యార్థుల
పూర్వ విద్యార్థుల సమ్మేళన ఆహ్వానం
తెచ్చేను నూతనోత్సాహం
సమ్మేళన వేళ విద్యార్థుల
ఆత్మీయ పలకరింపులు
యోగక్షేమాల పరామర్శలు
జరిపిన సన్మాన సత్కారాలు
బడిలో వసతులే లేని వేళ
చేసిన నిస్వార్థ సేవా త్యాగాలకు
కాలం తెచ్చిన ఈ పూర్వ విద్యార్థుల
అపూర్వ సమ్మేళనాలు
గురువుల హృదయాలకు
ఇచ్చేను కొండంత బలం
మరువలేని వన్నె తెచ్చేను
ఉపాధ్యాయ వృత్తికి గౌరవం
డా మైలవరం చంద్ర శేఖర్