– ఎన్నికల కోడ్ ను అందరు పాటించాలి
– పట్టణ సీఐ రాజేందర్ రెడ్డి
నవతెలంగాణ-తాండూరు
ఎన్నికల కోడ్ను అందరూ పాటించాలని తాండూరు పట్టణ సీఐ రాజేందర్రెడ్డి తెలియజే శారు. తాండూరు పట్టణ కేంద్రంలో గురువారం జరిగిన తనిఖీలలో ఇద్దరు వ్యక్తుల నుంచి వేరు వేరుగా రూ.2లక్షల 48 వేల సీజ్ చేసినట్టు తెలిపారు. ఈ సందర్భంగా ఆయన మాట్లాడుతూ ఎన్నికల కోడ్ అమలలో ఉన్నందున తనిఖీలు ముమ్మరం చేసినట్టు తెలిపా రు. పట్టణంలోని ఇందిరా చౌరస్తా వద్ద తనిఖీలు చేపడుతుండగా ఓ వ్యక్తి వద్ద నుంచి రూ.లక్ష 12 వేలు, మరో వ్యక్తి నుంచి రూ.లక్ష 36 వేలను పట్టుకున్నట్టు తెలిపారు. వారి వద్ద ఎలాంటి ఆధారాలు లేకపోవడంతో నగదును స్వాధీనం చేసుకున్నట్టు తెలిపారు. ఈ మొత్తం రూ.2లక్షల 48 వేలను సీజ్ చేసి, స్క్రీనింగ్ కమిటికి అప్పగిస్తామని తెలిపారు. ఎన్నికల కోడ్ అమలులో ఉన్నందున ప్రజలందరూ అప్రమత్తంగా ఉండాలన్నారు. రూ. 50 వేలకు మించి నగదును తరలించొద్దని సూచించారు. అంతకుమించి ఉన్న నగదుకు ఆధారాలు ఉండాలన్నారు.