అంగన్వాడీ కేంద్రాలలోనే నాణ్యమైన పౌష్టికాహారం..

నవతెలంగాణ – పెద్దవూర
అంగన్వాడీ కేంద్రాలలోనే లబ్ధిదారులకు నాణ్యమైన పౌష్టికాహారం అందిస్తున్నామని ఐసీడీఎస్ సూపర్ వైజర్ గౌసియా బేగం అన్నారు. గురువారం మండలపరిధిలోని తుంగతుర్తి అంగన్వాడీ కేంద్రం లో బేటీ బచావో బేటీ పడావో కార్యక్రమంపై బాల కార్మిక వ్యవస్థ నిర్మూలన, బాల్యవివాహాలు, అక్రమ దత్తత,మహిళలపై హింస, లింగ వివక్షపై గ్రామం లోని అంగన్వాడీ లబ్ధిదారులకు అవగాహన కల్పించారు. ఈసందర్బంగా ఈసందర్బంగా ఆమె మాట్లాడుతూ.. భేటీ బచావో, బేటీ పఢావో, బాల్యవివాహాలు నియంత్రణ, తల్లి బిడ్డల సంరక్షణ పై అంగన్వాడీ టీచర్లు అవగాహన కల్పించాలన్నారు. ఆడపిల్ల రక్షణ, ఆడపిల్లలను చదివించడం, లింగ పక్షపాతానికి వ్యతిరేకంగా ఎలాంటి సమస్యలు లేకుండా చూడాలని తెలిపారు. బాలికల సంక్షేమ సేవల సామర్థ్యాన్ని మెరుగు పరిచే విధంగా లక్ష్యాన్ని ప్రజలకు తీసుకువెళ్లాలని తెలిపారు. ఈ కార్యక్రమంలో అంగన్వాడీ టీచర్ రమణ, ఆశా వర్కర్ సైదమ్మ,అంగన్వాడీ లబ్ధిదారులు గ్రామస్తులు పాల్గొన్నారు.