డిజిటల్ విప్లవం వేగవంతం…

ఏఐ వైపు హైదరాబాద్ చిన్న, మధ్యతరహా పరిశ్రమల చూపు లింక్డ్‌ఇన్ (LinkedIn) అధ్యయనంలో వెల్లడి: ప్రతి 10 ఎస్‌ఎమ్‌బీల్లో 9 ఇప్పుడు ఏఐపైనే ఆశలు

హైదరాబాద్ ఎస్‌ఎమ్‌బీలు తమదైన శైలిలో దూసుకెళ్తున్నాయి… అధిక ఏఐ వినియోగాన్ని, డిజిటల్ సామర్థ్యాలను జోడించి సుస్థిర వృద్ధి దిశగా పయనిస్తున్నాయి.

హైదరాబాద్, నవంబర్ 2025: హైదరాబాద్‌లోని చిన్న, మధ్యతరహా పరిశ్రమలు (SMBs) తమ అత్యంత ఆత్మవిశ్వాసంతో కూడిన దశాబ్దంలోకి అడుగుపెడుతున్నాయి. లింక్డ్‌ఇన్ నిర్వహించిన తాజా పరిశోధనలో ఈ విషయం వెల్లడైంది. నగరంలోని ఎస్‌ఎమ్‌బీ (SMB) నిర్ణయాధికారులు దేశంలోనే అత్యున్నత స్థాయి ఏఐ సంసిద్ధతను ప్రదర్శిస్తున్నారు. ప్రతి 10 ఎస్‌ఎమ్‌బీల్లో 9 (91%) ఇప్పటికే ఏఐ సొల్యూషన్స్‌లో పెట్టుబడి పెడుతున్నాయి లేదా పెట్టాలని యోచిస్తున్నాయి. అదే సమయంలో, 91% మంది నిర్ణయాధికారులు వచ్చే ఏడాదిలో వ్యాపార వృద్ధిని ఆశిస్తున్నారు. ఇది ఈ రంగం కేవలం ఆశాజనకంగా ఉండటమే కాకుండా… స్మార్ట్ సిస్టమ్‌లు, నైపుణ్యం కలిగిన ప్రతిభ, నమ్మకమైన డిజిటల్ ప్లాట్‌ఫామ్‌ల చుట్టూ పునర్నిర్మితమవుతోందని సూచిస్తోంది.

భారతీయ ఎస్‌ఎమ్‌బీలకు పరిణామం అనేది ఐచ్ఛికం కాదు, మనుగడకు అవసరం

వారి ఆత్మవిశ్వాసం వెనుక అత్యవసర పరిస్థితి కూడా ఉంది. ఏఐ అనేది ఇప్పుడు కేవలం మాటలకే పరిమితం కాదు, అది వృద్ధికి కొత్త ప్రామాణికం. పోటీలో నిలదొక్కుకోవడానికి ఏఐ, ఆటోమేషన్ చాలా కీలకమని 57% ఎస్‌ఎమ్‌బీలు భావిస్తున్నాయని పరిశోధనలు చెబుతున్నాయి. అలాగే, లాభాలను కాపాడుకోవడానికి కార్యాచరణ సామర్థ్యం కీలకమని 52% మంది, భవిష్యత్తుకు సిద్ధంగా ఉండే ప్రతిభను పొందడం మనుగడకు కీలకమని 51% మంది భావిస్తున్నారు.

లింక్డ్‌ఇన్ ఇండియా కంట్రీ మేనేజర్ కుమారేష్ పట్టాభిరామన్ మాట్లాడుతూ, “వచ్చే దశాబ్దపు వృద్ధి ఎలా ఉంటుందో హైదరాబాద్ ఎస్‌ఎమ్‌బీలు చేసి చూపిస్తున్నాయి – ఇవి ఆశావహంగా, సాంకేతికతలో ముందుంటూ, సుస్థిర వ్యాపారాలను నిర్మించడానికి లోతుగా కట్టుబడి ఉన్నాయి. డిజిటల్ టూల్స్‌ను కేవలం ప్రయోగాత్మకంగా వాడటం నుండి… నియామకాలు, మార్కెటింగ్, ఆపరేషన్స్ వంటి ప్రధాన విధులలో వాటిని లోతుగా ఇమిడిపోయేలా  చేయడం వైపు స్పష్టమైన మార్పును మనం చూస్తున్నాము. వారి దృష్టిలో, వృద్ధికి షార్ట్‌కట్స్ లేవు; నమ్మకం, ప్రతిభ, స్మార్ట్ టెక్నాలజీ అనే సరైన పునాదులను నిర్మించుకోవడం పైనే వారి దృష్టి ఉంది. హైదరాబాద్ వ్యాపారాలకు ఇక్కడ నుండి వెనక్కి చూసే అవకాశం లేదు.”

హైదరాబాద్ ఎస్‌ఎమ్‌బీలకు ఏఐయే ప్రధాన చోదక శక్తి (Core Operating Engine)

హైదరాబాద్‌లోని చిన్న, మధ్యతరహా పరిశ్రమల (SMBs) నియామకాలు, మార్కెటింగ్, వృద్ధి వెనుక ఏఐ ఒక ఇంజిన్‌లా పనిచేస్తోంది. సర్వేలో పాల్గొన్న దాదాపు అన్ని వ్యాపారాలు… ఉద్యోగుల నైపుణ్యాలను మెరుగుపరచడానికి (94%), అనలిటిక్స్-బిజినెస్ ఇంటెలిజెన్స్‌ను బలోపేతం చేయడానికి (93%), పని విధానాలను (workflows) ఆటోమేట్ చేయడానికి (92%) ఏఐని ఉపయోగిస్తున్నామని లేదా ఉపయోగించాలని యోచిస్తున్నామని తెలిపాయి.

నగరంలో నియామకాల తీరు కూడా సర్టిఫికెట్ల కంటే సామర్థ్యాల వైపు స్పష్టంగా మారుతోంది. సంప్రదాయ అర్హతల కంటే… సమస్యల పరిష్కారం (68%), డిజిటల్ పరిజ్ఞానం, ఏఐపై అవగాహన (64%), డేటా విశ్లేషణ (53%) వంటి నైపుణ్యాలకే ఎస్‌ఎమ్‌బీలు ప్రాధాన్యత ఇస్తున్నాయి. భవిష్యత్తుకు సిద్ధంగా ఉన్న ప్రతిభావంతులను నియమించుకోవడానికి 52% ఎస్‌ఎమ్‌బీలు అప్పుడే ఏఐ హైరింగ్ టూల్స్‌ను వాడుతున్నాయి. ఇవి అధిక సామర్థ్యాన్ని, మెరుగైన ఎంగేజ్‌మెంట్‌ను అందిస్తున్నాయని వారు పేర్కొన్నారు.

ఈ ఎస్‌ఎమ్‌బీల మార్కెటింగ్, అమ్మకాలు కూడా ఇంటెలిజెన్స్-ఆధారితంగా మారుతున్నాయి. 65% ఎస్‌ఎమ్‌బీలు ఏఐ మార్కెటింగ్ టూల్స్‌ను ఉపయోగిస్తున్నాయి, చాలావరకు తమ బడ్జెట్‌లో సగం వరకు వీటిపైనే వెచ్చిస్తున్నాయి. 65% మంది ఇప్పుడు సేల్స్ కోసం ఏఐపై ఆధారపడుతున్నారు. కస్టమర్లను కచ్చితంగా లక్ష్యంగా చేసుకోవడానికి, ఆటోమేటెడ్ ఫాలో-అప్‌ల కోసం ఇది వారికి ఉపయోగపడుతోంది. తద్వారా పెద్ద సంస్థలతో సమానంగా అధునాతనంగా పనిచేయడానికి వారికి వీలవుతోంది.

స్కేలర్ (Scaler) చీఫ్ మార్కెటింగ్ ఆఫీసర్ రాహుల్ కార్తికేయన్ మాట్లాడుతూ, “ప్రేక్షకులను కచ్చితంగా లక్ష్యంగా చేసుకోవడం, డేటా ఆధారిత ఆప్టిమైజేషన్ ద్వారా స్కేలర్ ఇటీవలి ప్రచారాలు బలమైన పనితీరును కనబరిచాయి. స్పాన్సర్డ్ కంటెంట్, ముఖ్యంగా వర్టికల్ ఫార్మాట్‌లు… ఇతర ఛానెళ్లలోని స్టాటిక్ ఫార్మాట్‌ల కంటే 20% ఎక్కువ ‘లీడ్-టు-పేమెంట్’ మార్పిడిని అందించాయి. ఒక్క ఆగస్టులోనే, లింక్డ్‌ఇన్ సుమారు 70–80 కొత్త పేమెంట్లను అందించింది, ఖర్చుపై రాబడి (RoS) 2.2గా నమోదైంది. ఒక్కో సేల్ ఖర్చును (cost-per-sale) సమర్థవంతంగా నిర్వహిస్తూనే, ఈ అధిక-ప్రభావ ఛానెల్‌ను మరింత విస్తరించాలని మేము ప్లాన్ చేస్తున్నాము.”

హైదరాబాద్ కొత్త పోటీతత్వ ప్రయోజనం: నమ్మకం, ప్లాట్‌ఫామ్ విశ్వసనీయత

ఎస్‌ఎమ్‌బీలు ఏఐని వేగంగా స్వీకరిస్తున్నప్పటికీ, ఎవరిని నమ్మాలి అనే విషయంలో మాత్రం చాలా నిశితంగా వ్యవహరిస్తున్నాయి. ఖర్చు లేదా సౌలభ్యం కంటే ప్లాట్‌ఫామ్ విశ్వసనీయత ముఖ్యమని 93% మంది అభిప్రాయపడ్డారు. వారి ప్రధాన పరిగణనలు డేటా భద్రత (85%), సజావైన ఏకీకరణ (77%), పెట్టుబడిపై రాబడి (ROI – 78%) స్పష్టత. ఈ మార్పులన్నీ కలిసి… ఒక తెలివైన, మరింత దృఢమైన ఎస్‌ఎమ్‌బీ పర్యావరణ వ్యవస్థ ఆవిర్భావాన్ని సూచిస్తున్నాయి. ఇది ఏఐ యుగానికి కేవలం అనుగుణంగా మారడమే కాకుండా, ఆ యుగాన్ని చురుకుగా తీర్చిదిద్దుతోంది.