నవతెలంగాణ – కంఠేశ్వర్
తెలంగాణ రాష్ట్ర గర్ల్స్ కన్వెన్షన్ మూడు రోజులు అత్యంత ఉత్సాహభరితంగా నిర్వహించిన ఎస్ఎఫ్ఐ నిజామాబాద్ జిల్లా కమిటీ కి రాష్ట్ర కమిటీ ఎస్ఎఫ్ఐ రాష్ట్ర అధ్యక్షులు రజనీకాంత్ కృతజ్ఞతలు తెలియజేశారు. శనివారం భారత విద్యార్థి ఫెడరేషన్ (ఎస్ఎఫ్ఐ) నిజామాబాద్ జిల్లా కమిటీ ఆధ్వర్యంలో స్థానిక ఎస్ ఎఫ్ ఐ జిల్లా కార్యాలయంలో విలేకరుల సమావేశం నిర్వహించారు. ఈ సందర్భంగా ఎస్ఎఫ్ఐ రాష్ట్ర అధ్యక్షులు రజనీకాంత్ మాట్లాడుతూ.. అదేవిధంగా సెంట్రల్ ఎగ్జిక్యూటివ్ మెంబర్ పూజ మాట్లాడుతూ.. తెలంగాణ రాష్ట్రంలో మహిళా విద్యార్థుల ఉద్యమాలు జరగాలని ఆశించారు. అదేవిధంగా ఈ కన్వెన్షన్ లో 12 తీర్మానాలను ఆమోదించడం జరిగింది. ప్రతి యూనివర్సిటీ కళాశాలలో ఆంటీ ర్యాగింగ్ కమిటీలను ఏర్పాటు చేయాలని అన్నారు.
ప్రభుత్వ గురుకులాలు కేజీబీవీలు సంక్షేమ హాస్టల్స్లో నివసిస్తున్న విద్యార్థినీలకు సానిటరీ మ్యాప్ కిమ్స్ లను ఉచితంగా అందించాలని రాష్ట్ర ప్రభుత్వాన్ని డిమాండ్ చేశారు. అదేవిధంగా కాంగ్రెస్ ప్రభుత్వం విద్యార్థినీలకు స్కూటీలను ఇస్తానన్న హామీని మరిచిందని ఎద్దేవా చేశారు. అదేవిధంగా విద్యార్థినీలకు హెల్త్ హైజిన్ సదస్సులను కౌన్సెలింగ్ సెంటర్లను ఏర్పాటు చేయాలని అన్నారు. ప్రతి కళాశాలలో జి క్యాష్ కమిటీలను ఏర్పాటు చేయాలి. అదేవిధంగా కేంద్ర రాష్ట్ర ప్రభుత్వాలు విద్యార్థినిల హక్కులను కాపాడాలని మహిళల సమస్యలను పరిష్కరించకుంటే భవిష్యత్తులో పోరాటాలను ఉధృతం చేస్తామని నిర్ణయం చేయడం జరిగింది.
ఈ గర్ల్స్ కన్వెన్షన్ ని విజయవంతం చేసిన విద్యార్థినీలకు బహిరంగ సభను విజయవంతం చేసిన వివిధ మీడియా మిత్రులకు ప్రైవేటు యాజమాన్యాలకు ధన్యవాదములు తెలియజేస్తున్నాము. ఈ కార్యక్రమంలో ఎస్ఎఫ్ఐ జిల్లా కార్యదర్శి రాచకొండ విగ్నేష్, రాష్ట్ర గర్ల్స్ కో కన్వీనర్ దీపిక, జిల్లా నాయకులు రాజు సుజిత్ చిత్రు అక్షయ్, గోవింద్, వినీత్ తదితరులు పాల్గొన్నారు.
