– అధికార పార్టీ వారు కుట్ర చేశారు
– ఒక్క ఓటుతో ఓడిపోయిన సర్పంచ్ అభ్యర్థి ఫ్లెక్సీలు కలకలం
– తేరుకున్న పోలీసులు.. అధికారులు. ఫ్లెక్సీలో మార్పులు చేయించిన వైనం.
– చిన్న నారాయణపురం గ్రామం నార్కట్ పల్లి మండలం నల్లగొండ జిల్లాలో ఘటన.
నవ తెలంగాణ- నల్లగొండ ప్రాంతీయ ప్రతినిధి : ప్రజాస్వామ్యబద్ధంగా నేనే గెలిచా.. అధికార పార్టీ వారు అధికార దుర్వినియోగం చేసి గెలుపును కాదన్నారు. గ్రామానికి సర్పంచ్ నేనే అని నల్లగొండ జిల్లా నార్కట్పల్లి మండలం చిన్న నారాయణపురం గ్రామంలో సర్పంచ్ గా పోటీ చేసి ఒక్క ఓటుతో ఓడిపోయిన సర్పంచ్ అభ్యర్థి జంగలి అనిత అనే నేను సర్పంచ్ అని గెలిచిన వార్డు సభ్యుల ఫోటోలతో ఆ గ్రామంలో సోమవారం ఫ్లెక్సీలు ఏర్పాటు చేశారు. ఇది గమనించిన గ్రామస్తులు పోలీసులకు అధికారులకు సమాచారం ఇవ్వడంతో ఫ్లెక్సీలను తొలగించాలని బి ఆర్ఎస్ వర్గం వారిపై ఒత్తిడి తేవడంతో గ్రామంలో ఘర్షణ వాతావరణ ఏర్పడింది. ఒక దశలో ఉద్రిక్తత కు దారి తీయడంతో భారీగా పోలీసులు అక్కడికి చేరుకొని ఎలాంటి అవాంఛనీయ సంఘటనలు చోటు చేసుకోకుండా జాగ్రత్తలు తీసుకున్నారు. గతంలో ఉప సర్పంచ్ గా ఉన్న అనిత మాజీ ఉపసర్పంచ్ అని స్టిక్కర్లు అతికించారు. దీంతో గ్రామంలో ప్రశాంత వాతావరణం ఏర్పడింది.
. అసలు ఎన్నికల్లో ఏం జరిగింది….
మండల కేంద్రానికి మూడు కిలోమీటర్ల దూరంలో ఉన్న చిన్న నారాయణపురం గ్రామపంచాయతీ ఒకప్పుడు రెండు ఆవాస గ్రామాలతో కలిపి ఉండేది. తెలంగాణ రాష్ట్రం ఏర్పడిన తర్వాత ఆ గ్రామపంచాయతీ పరిధిలోని ఎనుగుల దోరి, కొండపాకని గూడెం ప్రత్యేక గ్రామపంచాయతీలుగా ఏర్పడ్డాయి. దీంతో కేవలం ఆ గ్రామపంచాయతీకి 516 ఓట్లు 8 వార్డులు ఉన్నాయి. కాంగ్రెస్ బలపరిచిన అభ్యర్థిగా మెరుగు అనిత, బి ఆర్ఎస్ బలపరిచిన అభ్యర్థిగా గతంలో ఉప సర్పంచ్ గా ఉన్న జక్కలి అనిత బరిలో నిలిచారు.
ఈ నెల 11న జరిగిన ఎన్నికల్లో 506 ఓట్లు పోలయ్యాయి. బి ఆర్ఎస్ బలపరిచిన ఐదుగురు వార్డు సభ్యులు, గెలుపొందారు. సర్పంచ్ గా పోటీ చేసిన ఇద్దరు అభ్యర్థులకు సమానంగా 246 చొప్పున వచ్చాయి. దీంతో టాస్ వేశారు. టాస్ లో జక్కలి అనిత గెలుపొందింది. లేదు తిరిగి రి కౌంటింగ్ నిర్వహించాలని మెరుగు అనిత పట్టుపట్టడంతో అధికారులు
. రికౌంటింగ్ నిర్వహించారు. ఈ క్రమంలో రీ కౌంటింగ్ ప్రక్రియ లో మెరుగు అనిత ఒక్క ఓటుతో గెలిచినట్లు పోలింగ్ అధికారులు నిర్ధారించారు. దీంతో ఒప్పుకునేది లేదని ఇరు వర్గాల మధ్య ఘర్షణ వాతావరణం నెలకొంది. ఎట్టకేలకు కాంగ్రెస్ అభ్యర్థి మెరుగు అనిత గెలిచినట్లు అధికారులు ప్రకటించారు. ఓటమిని అంగీకరించేది లేదని జక్కలి అనిత హైకోర్టును ఆశ్రయించారు. ప్రస్తుతం ఫిర్యాదు హైకోర్టులో ఉంది. అయినప్పటికీ ప్రజలు మాకే పట్టం కట్టారు గ్రామానికి నేనే సర్పంచ్ అనే జక్కలి అనిత అనే నేను .. ప్రమాణస్వీకారం చేస్తున్నట్లు ఫ్లెక్సీలు ఏర్పాటు చేయడం గ్రామంలో కలకలం సృష్టించాయి.
