‘సిన్నారి కోన..’ సందడి షురూ

తరుణ్‌ భాస్కర్‌ లీడ్‌ రోల్‌లో నటిస్తున్న చిత్రం ‘ఓం శాంతి శాంతి శాంతిః’. ఈషా రెబ్బా హీరోయిన్‌. ఏ.ఆర్‌. సజీవ్‌ దర్శకుడిగా పరిచయం అవుతున్న ఈ చిత్రాన్ని ఎస్‌ ఒరిజినల్స్‌, మూవీ వెర్స్‌ స్టూడియోస్‌ బ్యానర్స్‌ పై సజన్‌ యరబోలు, ఆదిత్య పిట్టీ, వివేక్‌ కష్ణని, అనుప్‌ చంద్రశేఖరన్‌, సాధిక్‌ షేక్‌, నవీన్‌ సనివరపు నిర్మిస్తుం డగా, కిషోర్‌ జాలాది, బాల సౌమిత్రి సహ నిర్మాతలుగా వ్యవహరిస్తున్నారు. ఇప్పటికే విడుదలైన టీజర్‌ మంచి బజ్‌ క్రియేట్‌ చేసింది. ఇప్పుడు మేకర్స్‌ ఫస్ట్‌ సింగిల్‌ ‘సిన్నారి కోన..’ సాంగ్‌ని రిలీజ్‌ చేసిన మ్యుజికల్‌ జర్నీ స్టార్ట్‌ చేశారు. అప్పగింతలు బ్యాక్‌ డ్రాప్‌లో కంపోజర్‌ జయకష్ణ ఈ సాంగ్‌ను బ్యూటీఫుల్‌ మెలోడీగా స్వరపరిచారు.
జయకష్ణ, అనన్య భట్‌, ఎం.జి. నరసింహ వోకల్స్‌ పాటకు ఫీల్‌ని తీసుకొచ్చాయి. భరద్వాజ్‌ గాలి రాసిన సాహిత్యం అందరినీ ఆకట్టుకుంటోంది. ఈ సాంగ్‌లో తరుణ్‌ భాస్కర్‌, ఈషా రెబ్బా కెమిస్ట్రీని ప్రజెంట్‌ చేసిన తీరు ఆసక్తికరంగా ఉంది. కొత్తగా పెళ్లైన జంటగా విభిన్నమైన పాత్రల్లో కనిపిస్తూ, వారి మధ్య భావోద్వేగాలను సహజంగా పలికించారు. ముఖ్యంగా ఈషా రెబ్బా, కొత్త ఇంటికి అలవాటు పడుతున్న నవ వధువు పాత్రలో కనిపించే నాజూకుతనం, భావోద్వేగాలను ఎంతో అందంగా ప్రదర్శించారు. వినగానే ఆకట్టుకునే ఈ సాంగ్‌ ఇన్‌స్టంట్‌ హిట్‌గా నిలిచింది. జనవరి 23న వరల్డ్‌ వైడ్‌ గ్రాండ్‌గా ఈ సినిమా రిలీజ్‌ కానుంది అని మేకర్స్‌ చెప్పారు.