ఫీల్‌ గుడ్‌ రొమాంటిక్‌ ఎంటర్‌టైనర్‌

మురళీ కృష్ణంరాజు, శృతి శెట్టి, ఆనంద్‌ ప్రధాన పాత్రల్లో వేలార్‌ ఎంటర్‌టైన్‌మెంట్‌ స్టూడియోస్‌ బ్యానర్‌ పై నాగిరెడ్డి గుంటక, శ్రీలక్ష్మి గుంటక, మురళీ కృష్ణంరాజు, పృధ్వీ పెరిచర్ల నిర్మిస్తున్న సినిమా ‘స్కై’. పృధ్వీ పెరిచర్ల దర్శకత్వం వహించారు. ఈ చిత్రంతో శివ ప్రసాద్‌ అనే కొత్త మ్యూజిక్‌ డైరెక్టర్‌ ఇండస్ట్రీకి పరిచయమవుతున్నారు. ఈ సినిమా ఈనెల 6న గ్రాండ్‌ థియేట్రికల్‌ రిలీజ్‌కు రావాల్సి ఉండగా వాయిదా పడింది. అనివార్య కారణాలతో వాయిదా పడిన ఈ సినిమాను ఈ నెల 13న రిలీజ్‌ చేస్తున్నట్లు మేకర్స్‌ ప్రకటించారు.

ప్రమోషనల్‌ కంటెంట్‌తో పాటు లిరికల్‌ సాంగ్స్‌తో మంచి ఫీల్‌గుడ్‌ ఎంటర్‌టైనర్‌గా ఈ మూవీ ప్రేక్షకుల దృష్టిని కచ్చితంగా ఆకర్షిస్తుందని మేకర్స్‌ నమ్మకాన్ని వ్యక్తం చేశారు. రాకేశ్‌ మాస్టర్‌, ఎంఎస్‌, కేఎల్‌ కే మణి బమ్మ తదితరులు నటిస్తున్న ఈ చిత్రానికి స్క్రీన్‌ ప్లే, డైరెక్షన్‌ – పృథ్వీ పెరిచెర్ల, డీవోపీ – రసూల్‌ ఎల్లోర్‌, ఎడిటర్‌ – సురేష్‌ ఆర్స్‌, ప్రొడ్యూసర్స్‌ – నాగిరెడ్డి గుంటక, పృథ్వీ పెరిచెర్ల, శ్రీ లక్ష్మీ గుంటక, మురళీ కృష్ణంరాజు, డైలాగ్స్‌ , స్టోరీ – పృథ్వీ పెరిచెర్ల, మురళీ కృష్ణంరాజు, మ్యూజిక్‌ – శివ ప్రసాద్‌, లిరిక్స్‌ – పృథ్వీ పెరిచెర్ల, ఎగ్జిక్యూటివ్‌ ప్రొడ్యూసర్స్‌ – స్వాతి పెన్మెత్స, లిఖిత గుంటక.