ప్రభుత్వ పాఠశాలల్లో చేరండి.. నాణ్యమైన విద్య పొందండి

నవతెలంగాణ – మల్హర్ రావు
ప్రభుత్వ పాఠశాలల్లో చేరండి నాణ్యమైన విద్యను పొందండి అంటూ మండల కేంద్రమైన తాడిచెర్ల జిల్లా పరిషత్ పాఠశాల ప్రధానోపాధ్యాయుడు తిరుపతి,ఉపాధ్యాయులు మంగళవారం కాపురంపల్లి,ఎస్సికాలని,లక్ష్మీ నగర్ లో బడిబాట కార్యక్రమాన్నీ చేపట్టి ర్యాలీలు నిర్వహించారు. ఈ సందర్భంగా మాట్లాడారు మానవ విలువలు కలిగి ఉండే చదువును పొందే అవకాశం ప్రభుత్వ పాఠశాలల్లోనే ఉంటుందన్నారు. పాఠశాలలోని పదవ తరగతి విద్యార్థులు 100% ఉత్తీర్ణత పొందడం మన గ్రామానికి గర్వకారణమన్నారు. ప్రభుత్వ పాఠశాలలో చదివిన విద్యార్థులకు ఉచితంగా దుస్తులు పుస్తకాలు మధ్యాహ్న భోజనము వీటితోపాటు బ్యాగు టై బెల్టు షూస్ తో కూడిన 9 వస్తువుల కిట్టు ను కూడా అందజేస్తారని తెలిపారు. అన్ని సౌకర్యాలు కలిగిన ప్రభుత్వ పాఠశాలలోనే మన పిల్లల్ని చేర్పించి వారికి మంచి భవిష్యత్తును కల్పిద్దామని సమావేశానికి హాజరైన గ్రామస్తులను కోరారు. కార్యక్రమంలో ఉపాధ్యాయులు,తల్లిదండ్రులు, గ్రామ ప్రజలు పాల్గొన్నారు.