అరుదైన ఆత్మీయ సన్మానం

65 సంవత్సరాలుగా వివిధ పత్రికల్లో పని చేస్తూ, నేటికీ పాత్రికేయ రచనల్లో నిమగ్నులైన వాశిరాజు ప్రకాశంకు ఇటీవల అగ్రకథానాయకుడు చిరంజీవి తమ ఇంట్లో అరుదైన ఆత్మీయ సత్కారం చేశారు. వివిధ పత్రికల్లో సేవలు అందిస్తున్న పాత్రికేయులూ కన్నుల పండగగా జరిగిన ఈ వేడుకకు విచ్చేశారు. శ్శాలువ కప్పి, పుష్పగుచ్ఛంతో వాశిరాజును చిరు అభినందించారు. ఈ సందర్భంగా ఆయన మాట్లాడుతూ, ’65 ఏళ్ళుగా పత్రికలే తన లక్ష్యంగా, ఎంతో క్రమశిక్షణగా గడుపుతున్నారు వాశిరాజు.

ఇన్నేళ్ళుగా ఆయనతో నాకు అనుబంధాన్ని మాటల్లో వర్ణించలేను. ఈ తీరని రుణం, బంధం అని మాత్రం చెప్పగలను’ అని అన్నారు. అంతేకాకుండా వాశిరాజుతో తనకి ఉన్న అరుదైన జ్ఞాపకాలను మెగాస్టార్‌ గుర్తు చేసుకోవడం విశేషం. ఈ సందర్భంగా వందేళ్ళ సినిమా చరిత్ర రచన తన లక్ష్యంగా ఉన్నట్లు వాశిరాజు తెలిపారు. చిరంజీవి, అనిల్‌రావిపూడి కలయికలో రూపొందిన ‘మన శంకర ప్రసాద్‌ గారు’ సినిమా అఖండ విజయం సాధించిన నేపథ్యంలో సీనియర్‌ పాత్రికేయులను చిరు సన్మానించారు.