– మంచి ఫలితాలు సాధించాలి
– లయన్ కోటగిరి సీతారామ స్వామి
నవతెలంగాణ – అశ్వారావుపేట
విద్యార్థులు ఇష్టం తో చదివి, ఉత్తమ ఫలితాలను సాధించి తల్లిదండ్రులు కు మంచి పేరు తేవాలని పదో తరగతి విద్యార్థులకు లయన్ కోటగిరి సీతారామ స్వామి సూచించారు. లయన్స్ క్లబ్ అశ్వారావుపేట విభాగం ఆధ్వర్యంలో గురువారం స్థానిక జడ్పీహెచ్ఎస్ లో పదో తరగతి పరీక్షలు రాస్తున్న విద్యార్థిని విద్యార్థులకు లయన్ కోటగిరి సీతారామస్వామి ఆర్థిక సహకారం తో లైన్స్ క్లబ్ తరఫున పరీక్ష ప్యాడ్స్, పెన్స్ అందించారు.
ఈ సందర్భంగా ఆయన మాట్లాడుతూ విద్యార్థులు క్రమశిక్షణగా చదువుకొని ఉన్నత స్థాయిలో ఎదగాలని,పరీక్షల్లో అందరూ మంచి ఉత్తీర్ణత సాధించి పాఠశాలకు,తల్లిదండ్రులకు ఉపాధ్యాయులకు పేరు ప్రఖ్యాతలు తేవాలని కోరారు. పాఠశాలకు ఏ విధమైనటువంటి సహాయ సహకారాలు కావాలన్నా లయన్స్ క్లబ్ ఎల్లప్పుడూ సహకరిస్తుందని తెలియజేసారు.
ఈ కార్యక్రమంలో లయన్స్ క్లబ్ అధ్యక్షులు లక్కినేని నరేంద్రబాబు అధ్యక్షతన కార్యక్రమం నిర్వహించారు.కార్యక్రమంలో జల్లిపల్లి కొండ ,పుల్లారావు, చీమకుర్తి చక్రధరం, కంచర్ల రామారావు, జూపల్లి బ్రహ్మారావు, కోటగిరి మోహన్ రావు, బలమూరి సూర్య రావు, పాఠశాల ప్రధాన అధ్యాపకురాలు హరిత,పాఠశాల అధ్యాపకులు పాల్గొన్నారు
