షేడ్స్‌

నేనేమో నీ కోసం
కళ్లల్లో ఒత్తులేసుకుని
ఎదురుచూస్తూ వుంటాను
నువ్వేమో వాటిని
ఆర్పేసే పనిలో వుంటావు!
నువ్వెప్పుడైనా
నా కళ్లవైపు చూసి వుంటే కదా
అక్కడున్న తడితో నీ హృదయం
మెత్తబడుతుందని నీ భయం కదూ!
ఎన్ని ముళ్లను ఒళ్లంతా
పొడిపించుకుని
ఈ ఒక్క గులాబీని నీకోసం తెచ్చానో
వాసన చూడకుండానే
కింద పడేసి వెళ్లిపోయావు
అది వొట్టి గులాబీ కాదు
నా హదయమని తెలిసి కూడా!
– సత్య చిత్తలూరి, 9133832246