నవతెలంగాణ-హైదరాబాద్: బంగ్లాదేశ్ లో విపక్షాలు ఆందోళన బాటపట్టాయి. ఎన్నికల సమయంలో ఇచ్చిన హామీలను అమలు చేయాలని 11 ప్రతిపక్షపార్టీలు ఏకమై 246 కిలో మీటర్ల భారీ ర్యాలీ తీశాయి. దాదాపు 1,000 వాహనాలతో కూడిన ఈ ర్యాలీ, ఢాకాలోని మోతీజీల్ ప్రాంతంలో ఉన్న షప్లా చత్తర్ నుండి ఉదయం 8 గంటల సమయంలో ప్రారంభమైంది. ఇది చిట్టగాంగ్లోని చారిత్రక లాల్దిఘీ మైదానంలో జరిగే భారీ బహిరంగ సభతో ముగియనుంది. ఇటీవల విద్యార్థుల నేతృత్వంలో జరిగిన ఉద్యమాల నుంచి ఆవిర్భవించిన ప్రముఖ ‘నేషనల్ సిటిజన్ పార్టీ’ (NCP) , ‘అమర్ బంగ్లాదేశ్ పార్టీ’ (AB Party) వంటివి భాగస్వాములుగా ఉన్న 11 పార్టీల ప్రతిపక్ష కూటమికి చెందిన కీలక నాయకులతో కలిసి, జమాత్-ఎ-ఇస్లామీ అమీర్ షఫీకుర్ రెహమాన్ ఈ రోడ్ మార్చ్ను అధికారికంగా ప్రారంభించారు.
“మా ఆరు డిమాండ్ల సాధన కోసం మేము మా సుదీర్ఘ పాదయాత్రను (లాంగ్ మార్చ్) ప్రారంభించాము, ప్రజలందరూ మాకు అండగా ఉన్నారు. ‘గోనో ఓట్’ (ప్రజా ఓటింగ్) అమలు, విద్యార్థుల జూలై తీర్మానం, విద్యుత్ , గ్యాస్ సంక్షోభం, అలాగే శాంతిభద్రతల మెరుగుదల వంటి డిమాండ్లలను తక్షణమే అమలు చేయాలని ఏబీ (AB) పార్టీ చైర్మన్ ముజిబుర్ రెహమాన్ భుయాన్ మోంజు అన్నారు.
