‘అగధ’లో మహాదేవి

‘దేవి’, ‘శత్రువు’, ‘ఒక్కడు’, ‘వర్షం’, ‘మనసంతా నువ్వే’, ‘నువ్వొస్తానంటే నేనొద్దంటానా’ వంటి కల్ట్‌ చిత్రాల నిర్మాత, ‘డర్టీ హరి’, ‘మళ్లీ పెళ్లి’ చిత్రాల దర్శకుడు ఎం.ఎస్‌.రాజు మరో సూపర్‌ ఇంట్రెస్టింగ్‌ చిత్రంతో ప్రేక్షకుల ముందుకు వస్తున్నారు.
ఆయన తాజా చిత్రం ‘అగధ’. ఇందులో మహాదేవి పాత్ర పరిచయం ఈ మర్మమైన, దైవిక థ్రిల్లర్‌కు కొత్త ఉత్కంఠను జోడించింది.
‘అగధ’ ఫస్ట్‌ లుక్‌తో రేగిన ఉత్సుకత ఇప్పుడు తదుపరి వెల్లడికి దారి తీసింది. మునుపటి పోస్టర్‌లో దైవ విగ్రహం ముందు నిలబడి కనిపిం చిన ఆ రహస్య యువతి మరెవరో కాదు, కామాక్షి భాస్కర్ల అని చిత్ర నిర్మాతలు అధికారికంగా ప్రకటించారు. ఆమె ఈ చిత్రంలో కీలక కథా నాయిక మహాదేవి పాత్రను పోషిస్తున్నారు. ఫస్ట్‌ లుక్‌కు వస్తున్న స్పందన తో ఉప్పొంగిపోయిన ఎంఎస్‌ రాజు, ప్రేక్షకులు, శ్రేయోభి లాషులు, దర్శకులు, నటీనటులు అందించిన ప్రోత్సాహకరమైన మాటలకు, ప్రశంసలకు కతజ్ఞతలు తెలుపుతూ ఒక హదయ పూర్వక లేఖను విడుదల చేశారు. ఫోన్‌ కాల్స్‌, మెసేజ్‌లు, సోషల్‌ మీడియా ద్వారా వెల్లువెత్తుతున్న ప్రేమ, తాను చెబు తున్న కథపై తన నమ్మకాన్ని మరింత బలపరిచిందని ఆయన పంచుకున్నారు. ఒక రచయితగా, దర్శకుడిగా ఈ ప్రోత్సాహం తన అత్యుత్తమ ప్రతిభను కనబరచడానికి, ‘అగధ’లోని ప్రతి అంశం అంచనాలకు అనుగుణంగా ఉండేలా చూసుకోవడానికి తనను ప్రేరేపిస్తుందని ఆయన అన్నారు.