కాంగ్రెస్ మండల అధ్యక్షుడు ముద్దసాని సురేష్
నవతెలంగాణ – పెద్దవంగర
బహుజన వీరుడు సర్దార్ సర్వాయి పాపన్న గౌడ్ జీవిత చరిత్రను ప్రతి ఒక్కరూ స్ఫూర్తిగా తీసుకుని ముందుకెళ్లాలని కాంగ్రెస్ మండల అధ్యక్షుడు ముద్దసాని సురేష్ అన్నారు. మండల కేంద్రంలోని అంబేద్కర్ చౌరస్తాలో పాపన్న జయంతి వేడుకలను కాంగ్రెస్ పార్టీ ఆధ్వర్యంలో సోమవారం ఘనంగా నిర్వహించారు. ఈ సందర్భంగా ఆయన చిత్రపటానికి పూలమాలలు వేసి నివాళులర్పించారు. అనంతరం ఆయన మాట్లాడుతూ.. బహుజన రాజ్యం కోసం నిజం పాలకుల నిరంకుశత్వానికి వ్యతిరేకంగా భూస్వాములతో కొట్లాడిన గొప్ప పోరాట యోధుడు సర్వాయి పాపన్న అని కొనియాడారు.
మోగులాయిలను ఎదిరించిన మొట్ట మొదటి తెలంగాణ రాజు సర్దార్ సర్వాయి పాపన్న గౌడ్ అని పేర్కొన్నారు. 33 రాజ్యాలను స్థాపించిన బడుగుల ఆశాజ్యోతి ఆయన ఆశయాలకు అనుగుణంగా అందరూ నడుచుకోవాలని అన్నారు. పాపన్న గౌడ్ జయంతి ఉత్సవాలను రాష్ట్ర ప్రభుత్వం అధికారికంగా నిర్వహించడం పట్ల హర్షం వ్యక్తం చేశారు. కార్యక్రమంలో మండల నాయకులు రంగు మురళి, పొడిశెట్టి సైదులు, ఓరిగంటి సతీష్, బానోత్ గోపాల్, ముత్యాల పూర్ణచందర్, బానోత్ సీతారాం, దాసరి శ్రీనివాస్, అనపురం శ్రీనివాస్, ముత్తినేని శ్రీనివాస్, దుంపల శ్యాం, సంకెపల్లి రవీందర్ రెడ్డి, బీసు హరికృష్ణ, ఆవుల మహేష్, గద్దల ఉప్పలయ్య, వెంకన్న, నరేష్, అంజయ్య, సంపత్, యాకయ్య, మల్లయ్య, వినోద్, రాంచరణ్, పవన్ తదితరులు పాల్గొన్నారు.
