చాపింగ్‌ బోర్డుతో జాగ్రత్తలు…

ముందుగా చాపింగ్‌ బోర్డుని ట్యాప్‌ కింద పెట్టి క్లీన్‌ చేయాలి. దీంతో చక్కగా క్లీన్‌ అవుతుంది. ఒక్కోసారి టమాట వంటి ముక్కలు చాపింగ్‌ బోర్డుకి అలానే అతుక్కుని ఉంటాయి. అలా ఉండకుండా చక్కగా రన్నింగ్‌ వాటర్‌ కింద పెట్టి మొత్తం వ్యర్థాలన్నీ పోయేలా క్లీన్‌ చేయండి.
– బేకింగ్‌ సోడాని నీటితో కలిపి పేస్టులా చేసుకోవాలి. దీనిని చాపింగ్‌ బోర్డుపై రాయండి. మరకలపై రాసి బాగా రుద్దండి. దీంతో మరకలు పోవడమే కాదు. చక్కగా క్లీన్‌ అవుతాయి. వాసనలు కూడా రావు.
– చాపింగ్‌బోర్డ్‌పై కొద్దిగా ఉప్పు చల్లండి. తర్వాత సగం కోసిన నిమ్మచెక్కతో బాగా రుద్దండి. అయితే, రాళ్ల ఉప్పుని వాడండి. దీంతో చాలా వరకూ వ్యర్థాలన్నీ తొలగిపోయి చక్కగా క్లీన్‌ అవుతాయి.
– కొద్దిగా డిష్‌ సోప్‌, వేడి నీటిని వేసి స్పాంజ్‌, సాఫ్ట్‌ బ్రష్‌తో రుద్దాలి. తర్వాత నీటితో శుభ్రం చేయాలి. అయితే ఇది చెక్క కాకుండా ప్లాస్టిక్‌, స్టీల్‌ వంటివాటికైతే బాగా పనిచేస్తుంది. చెక్కదానికి ఎక్కువగా సోప్‌, డిష్‌ వాష్‌ పెట్టకూడదని గుర్తుపెట్టుకోండి. దీని వల్ల సబ్బులోని కెమికల్స్‌ చెక్క బాగా పీల్చుకుంటుంది.
– చెక్క చాపింగ్‌ బోర్డ్‌ని ఎప్పటికప్పుడు తడిగా లేకుండా చూసుకోవాలి. తడిగా ఉంటే కొన్ని రోజులకే పగుళ్లు ఏర్పడతాయి. దీంతో వాసన కూడా వస్తుంది. బ్యాక్టీరియా, వైరస్‌లు పెరుగుతాయి. చెక్క చాపింగ్‌ బోర్డులు వాడిన తర్వాత సబ్బు, వేడి నీటితో క్లీన్‌ చేయాలి.
తర్వాత పలుచని కాటన్‌ గుడ్డతో బాగా తుడిచి ఎండలో ఆరబెట్టాలి. అప్పుడే క్రిములు పేరుకుపోకుండా ఉంటాయి. ఈ చాపింగ్‌ బోర్డుని రెండువారాలకి ఓ సారి పూర్తిగా క్లీన్‌ చేసి నూనె, మైనంతో రుద్ది ఆరనివ్వండి. ఇలా చేస్తే చెక్క చాపింగ్‌ బోర్డుని కీటకాలు తినకుండా, పగుల్లు రాకుండా ఉంటాయి.