నవతెలంగాణ – హైదరాబాద్: టెక్ బిలియనీర్, ‘బిల్ట్ రివార్డ్స్’ సీఈఓ అంకుర్ జైన్ వరల్డ్ రెజ్లింగ్ (WWE) ఎంటర్టైన్మెంట్ మాజీ మహిళా రెజ్లర్ ఎరికా హమ్మండ్ వివాహ బంధంలోకి అడుగుపెట్టారు. ఈజిప్టులో ఈ వేడుక నిరాడంబరంగా జరిగింది. ఏప్రిల్ 26నే వివాహం జరగ్గా.. పెళ్లి ఫొటోలు తాజాగా నెట్టింట వైరల్గా మారాయి. ‘‘మా జీవితాల్లో ఈ వేడుక ఎంతో ప్రత్యేకంగా ఉండాలనుకున్నాం. అందుకు ఎక్కువ ఖర్చు లేకుండా సాధారణంగా వివాహం చేసుకున్నాం. డెకరేషన్ల కోసం వేల డాలర్లు ఖర్చు చేయడం ఎందుకు? ప్రపంచంలోనే భిన్నమైన వాతావరణంలో వేడుక చేసుకోవడం కొత్త అనుభూతినిస్తోంది’’ అని అంకుర్ అభిప్రాయం వ్యక్తం చేశారు.