నవతెలంగాణ – హైదరాబాద్: భారత్ జోడో న్యాయ్ యాత్ర సందర్భంగా కాంగ్రెస్ అగ్రనేత రాహుల్‌గాంధీ తాజాగా మేఘాలయాలో పర్యటించారు. ఈ క్రమంలోనే అక్కడి చిరువ్యాపారులతో రాహుల్ గాంధీ మాట ముచ్చట కలిపారు. అయితే ఆ రాష్ట్రంలోని పైనాపిల్స్కు రాహుల్ ఫిదా అయిపోయారు. అవి తనకు లభించని అత్యంత రుచికరమైనవి అని అన్నారు. ఈ సందర్భంగా రాహుల్ గాంధీ మాట్లాడుతూ.. యాత్రలో భాగంగా రోడ్డు పక్కన పైనాపిల్స్ అమ్ముకుంటూ ఒక కూతురు, తల్లి ఉన్నారని, వారి దగ్గర కొన్ని పైనాపిల్స్ కొని రుచి చేసినట్లు తెలిపారు. తన మొత్తం జీవితంలో ఇంత రుచికరమైన పైనాపిల్‌లను ఎప్పుడూ తీసుకోలేదన్నారు. నాకు అది దొరికిన వెంటనే, నేను మా అమ్మకు ఫోన్ చేసి, ప్రపంచంలోని అత్యుత్తమ పైనాపిల్స్‌ను మీ కోసం తీసుకువస్తున్నాను’ అని గాంధీ చెప్పారు. ప్రపంచంలోనే అత్యుత్తమ రుచి కలిగిన పైనాపిల్ ప్రపంచం మొత్తానికి ఎందుకు అందుబాటులో లేదని, ఇతర రాష్ట్రాలకు విక్రయించడం వల్ల రాష్ట్రాల్లోని రైతులు ఎందుకు ప్రయోజనం పొందలేకపోతున్నారు? అని ఆయన ప్రశ్నించారు. రైతులు, స్థానిక వ్యాపారులు తమ ఉత్పత్తులను ప్రపంచానికి తీసుకెళ్లే మౌలిక సదుపాయాలను అందించే భారత్ కోసం మనం కొత్త విజన్‌ని నిర్మించాలని రాహుల్ అభిప్రాయపడ్డారు.
