నవతెలంగాణ – హైదరాబాద్
టెక్ ఆంత్రప్రెన్యూర్ ఎలాన్ మస్క్ తాజాగా ప్రపంచ సంపన్నుల జాబితాలో నెం.1 స్థానాన్ని కైవసం చేసుకున్నారు. బ్లూమ్‌బర్గ్ బిలియనీర్స్ ఇండెక్స్ జాబితాలో మరోమారు తొలి స్థానానికి చేరుకున్నారు. లగ్జరీ ఉత్పత్తుల వ్యాపారవేత్త బెర్నార్డ్ ఆర్నాల్ట్‌ను వెనక్కు నెట్టి మరీ అపరకుబేరుడిగా నిలిచారు. బెర్నార్డ్‌కు చెందిన లగ్జరీ ఉత్పత్తుల సంస్థ ఎల్‌వీఎమ్‌హెచ్ షేర్ల విలువ బుధవారం ఏకంగా 2.6 శాతం పడిపోవడంతో ఆయన రెండో స్థానానికి పరిమితం కావాల్సి వచ్చింది. మరోవైపు, టెస్లా షేర్లు రాణించడంతో మస్క్ సంపదలో వృద్ధి చోటుచేసుకుంది. మస్క్ ఆస్తుల్లో టెస్లా వాటా ఏకంగా 71 శాతం. ఈ ఏడాది ఇప్పటివరకూ టెస్లా షేర్ల ధరలు సుమారు 66 శాతం మేర పెరిగాయి. దీంతో, ఎలాన్ మస్క్ 192.3 బిలియన్ డాలర్ల సంపదతో ప్రపంచంలోనే అత్యంత ధనికుడిగా అవతరించారు. ప్రపంచం ఆర్థిక ఒడిదుడుకులకు లోనవుతున్న నేపథ్యంలో లగ్జరీ ఉత్పత్తులకు డిమాండ్ క్షిణిస్తోంది. ముఖ్యంగా చైనాలోని ఆర్థికమందగమనం ఎల్‌వీఎమ్‌హెచ్ కంపెనీ షేర్లపై ప్రతికూల ప్రభావం చూపింది.
Related posts:
ఈనెల 11నుంచి అందుబాటులోకి హార్టీకల్చర్‌ హాల్‌టికెట్లు
పెట్రోల్‌, డీజిల్‌పై వ్యాట్‌ పెంచిన పంజాబ్‌..
చిన్నారుల అక్రమ రవాణా నియంత్రణకు ప్రత్యేక విభాగం ఉండాలి: హైకోర్టు
అన్నదమ్ముల్లా కలిసి పని చేస్తాం: రేవంత్‌, కోమటిరెడ్డి
తెలంగాణ ప్రజల ఆశలను కేసీఆర్‌ కాలరాశారు: రేవంత్‌రెడ్డి
సాగర్ ఫ్లైఓవర్ ప్రమాద బాధితులను పరామర్శించిన కేటీఆర్