అంచనాలు పెరుగుతున్నాయ్..!

నిఖిల్ సిద్ధార్థ త్వరలో ‘స్వయంభూ’తో రాబోతున్నారు. భరత్ కృష్ణమాచారి దర్శకత్వంలో పిక్సెల్ స్టూడియోస్‌ భువన్, శ్రీకర్‌ల నిర్మాణంలో భారీ పీరియడ్ యాక్షన్ చిత్రంగా రూపొందుతోంది. ఠాగూర్ మధు సమర్పణలో ఈ సినిమా భారతీయ సినిమా రంగంలోనే బిగ్గెస్ట్ ప్రాజెక్టులలో ఒకటిగా రూపుదిద్దుకుంటోంది.
నిఖిల్ సిద్ధార్థ్ పుట్టిన రోజుర్ సందర్భంగా మేకర్స్ విడుదల చేసిన ప్రత్యేక మేకింగ్ వీడియో సినిమాపై అంచనాలను మరింత పెంచింది. ఈ వీడియోలో ఈ ప్రతిష్టాత్మక పీరియడ్ యాక్షన్ డ్రామా కోసం నిఖిల్ చేసిన కఠోర శ్రమను చూపించారు. యుద్ధ కవచం ధరించిన నిఖిల్ శత్రువులపై విరుచుకుపడటం, అగ్నిజ్వాలల మధ్య పోరాడటం, గ్రాండ్ ల్యాండ్‌స్కేప్‌లలో యాక్షన్ సన్నివేశాల్లో పాల్గొనడం సినిమాపై మరింత ఆసక్తిని పెంచుతోంది. సంయుక్త, నభా నటేష్ కీలక పాత్రలు పోషిస్తున్న ఈ సినిమా ప్రస్తుతం పోస్ట్ ప్రొడక్షన్ వర్క్ జరుపుకుంటోంది. త్వరలోనే విడుదలకు రెడీ అవుతోంది.