సత్తుపల్లి సింగరేణిలో ‘ప్రజాపాలన దినోత్సవ’ వేడుక 

​నవతెలంగాణ-సత్తుపల్లి
తెలంగాణ ప్రభుత్వ ఆదేశాల మేరకు సత్తుపల్లి సింగరేణి ఏరియాలో ‘ప్రజాపాలన దినోత్సవ వేడుకను’ గురువారం ఘనంగా నిర్వహించారు. జనరల్ మేనేజర్ కార్యాలయ ప్రాంగణంలో జరిగిన ఈ కార్యక్రమానికి సత్తుపల్లి ఏరియా జీఎం సరికొండ వెంకటచారి ముఖ్య అతిథిగా పాల్గొని జాతీయ పతాకాన్ని ఆవిష్కరించారు. ఈ సందర్భంగా జీఎం వెంకటచారి మాట్లాడుతూ… అందరికీ ప్రజాపాలన దినోత్సవ ప్రాముఖ్యతను వివరించారు. సంస్థ ఉత్పత్తి లక్ష్యాలను సాధించడంలో ఉద్యోగులు, అధికారులు క్రమశిక్షణ, నిబద్ధతతో పనిచేయాలని జీఎం కోరారు. ‘ఎస్ ఓ టు జీఎం’ శ్రీనివాస్ అధ్యక్షతన జరిగిన ఈ కార్యక్రమంలో గుర్తింపు సంఘం ఏఐటీయూసీ బ్రాంచ్ కార్యదర్శి ఎస్. సుధాకర్, ఐఎన్టీయూసీ వైస్ ప్రెసిడెంట్ బి. కోటేశ్వరరావు, సీఎంఓఏఐ సత్తుపల్లి ఏరియా ప్రెసిడెంట్ సునీల్ వర్మ, ఏరియా ఇంజనీర్, పర్చేస్ ఆఫీసర్, వివిధ విభాగాల అధికారులు, ఉద్యోగులు, కార్మికులు పాల్గొన్నారు.