సాదియత్ కల్చరల్ డిస్ట్రిక్ట్ అబుదాబి

నవతెలంగాణ-హైదరాబాద్ : అబుదాబి ( డిసిటి అబుదాబి) సాంస్కృతిక మరియు పర్యాటక శాఖ ఈ రోజు సాదియత్ కల్చరల్ డిస్ట్రిక్ట్, దాని సాంస్కృతిక సంస్థలతో పాటు, 2025లో పూర్తి కానుందని పునరుద్ఘాటించింది. ప్రపంచ వేదిక, సాదియత్ కల్చరల్ డిస్ట్రిక్ట్. ఇది మహోన్నత సాంస్కృతిక వారసత్వం నుండి ఉద్భవించింది, సంప్రదాయాలను వేడుక చేసుకుంటుంది మరియు మహోన్నతమైన సంస్కృతిని అభివృద్ధి చేస్తుంది. ఇది సాధికారత యొక్క స్వరూపం, విభిన్న ప్రపంచ సంస్కృతుల ను ప్రచారం చేస్తూ ఈ ప్రాంతం యొక్క వారసత్వాన్ని జరుపుకునే మ్యూజియంలు, కలెక్షన్లు మరియు కథనాలను ప్రదర్శిస్తుంది. ఈ నిర్మాణం పూర్తయిన తర్వాత, సాదియత్ కల్చరల్ డిస్ట్రిక్ట్ సంస్థల వైవిధ్యం డిస్ట్రిక్ట్ ను అత్యంత ప్రత్యేకమైన సాంస్కృతిక వేదికలలో ఒకటిగా మారుస్తుంది. ఇది ఇప్పటికే లౌవ్రే అబుదాబికి నిలయంగా ఉంది – అరబ్ ప్రపంచంలో మొట్టమొదటి సార్వత్రిక మ్యూజియం ఇది. విభిన్న సంస్కృతుల కు చెందిన కళాఖండాలను ప్రక్క ప్రక్కన ప్రదర్శిస్తుంది మరియు మానవ సంబంధాల కథను చెబుతుంది. 2017లో ప్రారంభమైనప్పటి నుండి, లౌవ్రే అబుదాబి 5 మిలియన్ల మంది సందర్శకులను ఆకర్షించింది. దాని ఉత్కంఠభరితమైన నిర్మాణ శైలి మరియు దాని వినూత్న కథనానికి గుర్తింపు పొందింది. దీనికి సమీపంలో, బెర్క్లీ అబుదాబి సంవత్సరం పొడవునా సంగీతం, ప్రదర్శన కళలు మరియు విద్యా కార్యక్రమాలను అందిస్తుంది. అదనంగా, మనరత్ అల్ సాదియత్ సృజనాత్మక కళల వ్యక్తీకరణకు కేంద్రంగా పనిచేస్తుంది. అబుదాబి యొక్క సాంస్కృతిక క్యాలెండర్‌: అబుదాబి ఆర్ట్ అండ్ కల్చర్ సమ్మిట్ అబుదాబి లో రెండు ముఖ్యమైన కార్యక్రమాలకు నిలయంగా ఉంది. సాదియత్ కల్చరల్ డిస్ట్రిక్ట్‌లో త్వరలో తెరవబోయే సంస్థల ప్రస్తుత నిర్మాణ పురోగతి 76% వద్ద ఉంది. యునైటెడ్ అరబ్ ఎమిరేట్స్ యొక్క జాతీయ మ్యూజియం, జయెద్ నేషనల్ మ్యూజియం, దేశం యొక్క గొప్ప చరిత్ర మరియు సంస్కృతిని వేడుక జరుపుకుంటుంది, అలాగే దేశ వ్యవస్థాపక పితామహుడు దివంగత షేక్ జయెద్ బిన్ సుల్తాన్ అల్ నహ్యాన్ వారసత్వాన్ని గౌరవిస్తుంది. అదనంగా, టీమ్‌ల్యాబ్ ఫెనోమేనా అబుదాబి సందర్శకులను వారి ఊహల పరిమితులను అధిగమించే, ఎప్పటికప్పుడు మారుతున్న అన్వేషణకు ఆహ్వానిస్తుంది. ఇది నేచురల్ హిస్టరీ మ్యూజియం అబుదాబితో జతచేయబడుతుంది, ఇది మన విశ్వం మరియు మన గ్రహం యొక్క కథ ద్వారా 13.8 బిలియన్ సంవత్సరాల ప్రయాణంలోకి సందర్శకులను తీసుకెళ్లే పరిశోధన మరియు బోధనా సంస్థను కలిగి ఉంటుంది. గుగ్గెన్‌హీమ్ అబుదాబి 1960ల నుండి ఇప్పటి వరకు కళను వేడుక జరుపుకునే మ్యూజియం ఇది మన కాలంలోని అత్యంత ముఖ్యమైన కళాత్మక విజయాలను అందిస్తుంది. సాంస్కృతిక ఎజెండాను నిర్వచించిన మరియు పురావస్తు త్రవ్వకాలు , అన్వేషణల ద్వారా ప్రపంచానికి యుఏఈ చరిత్రను తెలిపిన దివంగత షేక్ జయెద్ వారసత్వానికి సాదియత్ కల్చరల్ డిస్ట్రిక్ట్ నివాళులర్పిస్తుంది. యుఏఈ లో మొట్ట మొదటి మ్యూజియం అల్ ఐన్ మ్యూజియం స్థాపనతో ఈ వారసత్వం ప్రారంభమైంది, ఇది 1971లో ప్రారంభించబడింది. దీనిని అనుసరించి 1981లో కల్చరల్ ఫౌండేషన్ ప్రారంభోత్సవం జరిగింది. దివంగత షేక్ ఖలీఫా బిన్ జయెద్ అల్ నహ్యాన్ మార్గదర్శకత్వంలో షేక్ జయెద్ వారసత్వం అభివృద్ధి చెందుతూనే ఉంది. నేడు, యునైటెడ్ అరబ్ ఎమిరేట్స్ అధ్యక్షుడు HH షేక్ మొహమ్మద్ బిన్ జయెద్ అల్ నహ్యాన్ మరియు అబుదాబి క్రౌన్ ప్రిన్స్ HH షేక్ ఖలీద్ బిన్ మొహమ్మద్ బిన్ జయెద్ ఆ వారసత్వాన్ని నిర్మించడం కొనసాగిస్తున్నారు. డిసిటి అబుదాబి ఛైర్మన్, HE మొహమ్మద్ అల్ ముబారక్ మాట్లాడుతూ “సంస్కృతి అనేది కేవలం సంబంధాలకు అతీతం; అది మన పరిణామానికి ఆకృతి అందిస్తుంది . మన ఆలోచనలను విస్తృతం చేస్తుంది. ఇక్కడ అబుదాబిలో, మేము ఈ ప్రభావాన్ని స్వీకరించాము, సమాజం అంతటా ప్రతిధ్వనించే లోతైన ప్రశంసలను పెంపొందించాము. సాదియత్ కల్చరల్ డిస్ట్రిక్ట్ ‘సాంస్కృతిక ఆశ’ని ప్రతిబింబిస్తుంది. సాంస్కృతిక వైవిధ్యం యొక్క సందేశాన్ని డిస్ట్రిక్ట్ అందజేస్తుంది, అది కాలక్రమేణా మరింత శక్తివంతం అవుతుంది, ప్రపంచ సంబంధాలను సృష్టిస్తుంది. సాంస్కృతిక మార్పిడిని ప్రేరేపిస్తుంది. ఈ ప్రాంతం, గ్లోబల్ సౌత్‌ మరియు ప్రపంచానికి మద్దతుగా కొత్త ఆలోచనా విధానాలను పెంపొందించడం చేస్తుంది. ప్రజలు గతం నుండి నేర్చుకోవడానికి, మన వర్తమానాన్ని అర్థం చేసుకోవడానికి మరియు మన భవిష్యత్తుపై దృష్టి పెట్టడానికి అనువైన ఒక ప్రదేశం, సాదియత్ కల్చరల్ డిస్ట్రిక్ట్ ” అని అన్నారు. వారసత్వ సంపదను సంరక్షించడంలో, అలాగే భవిష్యత్ దృక్పథాన్ని స్వీకరించడం లో అబుదాబి యొక్క నిబద్ధతకు నిదర్శనం, సాదియత్ కల్చరల్ డిస్ట్రిక్ట్. విభిన్న సంస్కృతులతో మమేకమవటానికి , సంభాషణ మరియు మార్పిడిని పెంపొందించడానికి ప్రపంచాన్ని డిస్ట్రిక్ట్ ఆహ్వానిస్తుంది మరియు ఈ ప్రాంతం తో పాటుగా గ్లోబల్ సౌత్‌ను శక్తివంతం చేసే ప్రపంచ సాంస్కృతిక ప్రాంగణాన్ని అందిస్తుంది. పరోపకారి, టాక్ షో హోస్ట్ మరియు రచయిత్రి ఓప్రా విన్‌ఫ్రేచే విడుదల చేయబడిన ‘బి మూవ్డ్ ఇన్ ఎ థౌజండ్ వేస్’ అనే పేరుతో ఒక అద్భుతమైన ప్రచారాన్ని కూడా డిసిటి అబుదాబి ప్రారంభించింది. ఈ ప్రచార చిత్రం ఏకం చేయడానికి, ప్రేరేపించడానికి మరియు మనస్సును తెరవడానికి సంస్కృతి యొక్క పరివర్తన శక్తి పై స్ఫూర్తిదాయకమైన సందేశాన్ని అందిస్తుంది. ఈ ప్రచారానికి సహకరించిన వారిలో డిసిటి అబుదాబి చైర్మన్, HE మొహమ్మద్ ఖలీఫా అల్ ముబారక్ ; యూఏఈ అధ్యక్షుడికి సాంస్కృతిక సలహాదారు మరియు యునైటెడ్ అరబ్ ఎమిరేట్స్ విశ్వవిద్యాలయం ఛాన్సలర్ HE జాకీ అన్వర్ నుస్సీబెహ్ ; విదేశీ వ్యవహారాల మంత్రిత్వ శాఖ యూఏఈ లో మినిస్టర్ అఫ్ స్టేట్ HE నౌరా బింట్ మొహమ్మద్ అల్ కాబీ ; ప్రిట్జ్కర్ ఆర్కిటెక్చర్ ప్రైజ్-విన్నర్ మరియు జయెద్ నేషనల్ మ్యూజియం ఆర్కిటెక్ట్, లార్డ్ నార్మన్ ఫోస్టర్; ది సోలమన్ R. గుగ్గెన్‌హీమ్ మ్యూజియం మరియు ఫౌండేషన్ – డైరెక్టర్ మరియు సీఈఓ -మారియెట్ వెస్టర్‌మాన్, యూఏఈ నుండి ప్రముఖ కళాకారులు మహమ్మద్ ఇబ్రహీం, నజత్ మక్కీ, అఫ్రా అల్ ధాహెరి; బహుళ అవార్డు గెలుచుకున్న నటుడు, సంగీతకారుడు మరియు వ్యాపారవేత్త ఇద్రిస్ ఎల్బా OBE; లెజండరీ పియానిస్ట్ లాంగ్ లాంగ్ మరియు మరెంతోమంది వున్నారు . ఈ చిత్రం ను వద్ద చూడవచ్చు. సంస్కృతి మరియు పర్యాటక శాఖ – అబుదాబి (డిసిటి అబుదాబి) గురించి అబుదాబి యొక్క సంస్కృతి మరియు పర్యాటక రంగాలు మరియు దాని సృజనాత్మక పరిశ్రమల స్థిరమైన వృద్ధిని డిపార్ట్‌మెంట్ ఆఫ్ కల్చర్ అండ్ టూరిజం – అబుదాబి (డిసిటి అబుదాబి) ప్రోత్సహిస్తుంది, ఆర్థిక పురోగతికి తోడ్పాటు అందిస్తుంది మరియు అబుదాబి యొక్క విస్తృత ప్రపంచ ఆశయాలను సాధించడంలో సహాయపడుతుంది. ఎమిరేట్ యొక్క స్థానాన్ని ప్రముఖ అంతర్జాతీయ గమ్యస్థానంగా నిర్వచించే సంస్థలతో కలిసి పని చేయడం ద్వారా, ఎమిరేట్ యొక్క సంభావ్యత యొక్క భాగస్వామ్య దృష్టితో పర్యావరణ వ్యవస్థను ఏకం చేయడానికి, కృషి మరియు పెట్టుబడిని సమన్వయం చేయడానికి, వినూత్న పరిష్కారాలను అందించడానికి మరియు సంస్కృతి మరియు పర్యాటక పరిశ్రమలకు మద్దతు ఇచ్చే విధానాలు మరియు వ్యవస్థల కోసం ఉత్తమ సాధనాలను ఉపయోగించడానికి డిసిటి అబుదాబి ప్రయత్నిస్తుంది. డిసిటి అబుదాబి యొక్క లక్ష్యం ఎమిరేట్ ప్రజలు, వారసత్వం మరియు ప్రకృతి దృశ్యం ద్వారా నిర్వచించబడింది. ఆతిథ్యం, మార్గదర్శక కార్యక్రమాలు మరియు సృజనాత్మక ఆలోచనల జీవన సంప్రదాయాల ద్వారా ప్రాతినిధ్యం వహించే ప్రామాణికత, ఆవిష్కరణ మరియు అసమానమైన అనుభవాల ప్రదేశంగా అబుదాబి స్థితిని మెరుగుపరచడానికి మేము పని చేస్తున్నాము. డిపార్ట్‌మెంట్ ఆఫ్ కల్చర్ అండ్ టూరిజం – అబుదాబి మరియు సాదియత్ కల్చరల్ డిస్ట్రిక్ట్ గురించి మరింత సమాచారం కోసం, దయచేసి సందర్శించండి: dct.gov.ae; scdabudhabi.ae మరియు abudhabiculture.ae.

Related posts:

IT Stocks: కనిష్టాలకు కుప్పకూలిన ఐటీ దిగ్గజాల షేర్లు.. ఇప్పుడు కొనడం మంచిదేనా? Penny Shares: చిన్న షేర్లు దుమ్ము రేపుతున్నాయి..మార్కెట్లు పడినా పరుగు ఆపట్లే! Tips To Improve General Knowledge: జనరల్ నాలెడ్జ్ పెంచుకోవాలా.. అయితే ఈ చిట్కాలు పాటించండి.. మ‌రో విడ‌త రెపో రేటు పెంచిన ఆర్బీఐ ఆర్బీఐ కీలక నిర్ణయం ఆధార్‌ అనుసంధానం లేకపోతే పాన్‌ కార్డు చెల్లదు