ఆల్మండ్ బోర్డ్ అఫ్ కాలిఫోర్నియా సహకారంతో ప్రపంచ ప్రోటీన్ దినోత్సవం -

నవతెలంగాణ హైదరాబాద్: కొత్త YouGov సర్వేలో, ఎక్కువ మంది భారతీయులు శక్తిని అందించడంలో మరియు బలమైన రోగనిరోధక వ్యవస్థను నిర్వహించడంలో ప్రోటీన్ యొక్క ముఖ్యమైన పాత్రను గుర్తించారని తేలింది. భారతదేశంలోని 17 నగరాల్లో 4,300 మంది స్పందనదారులతో నిర్వహించిన ఈ సర్వేలో, ప్రతి ముగ్గురు భారతీయులలో ఇద్దరు (65%) బాదంపప్పులను అధిక ప్రోటీన్ కలిగిన చిరుతిండిగా గుర్తించారని, లక్నో (38%), తిరువనంతపురం (37%), కోయంబత్తూర్ (34%), గౌహతి (34%) మరియు ఇండోర్ (31%) వంటి టైర్ II నగరాల్లో సైతం ఈ గుర్తింపు ఉందని తేలింది. ఆసక్తికరంగా, ఈ నగరాల్లో గుర్తింపు స్థాయిలు మెట్రోపాలిటన్ ప్రాంతాలలో ఉన్న వాటి కంటే ఎక్కువగా ఉన్నాయి, ఇది పట్టణ కేంద్రాలకు మించి ప్రోటీన్-అధికంగా కలిగిన స్నాక్‌గా బాదం యొక్క విస్తృత ఆమోదాన్ని సూచిస్తుంది.
భారతదేశంలోని టాప్ ఐదు ప్రోటీన్ ఎంపికలలో బాదం స్థానం పొందిందని సర్వే వెల్లడించింది. ప్రోటీన్ యొక్క సహజ వనరుగా బాదంను గుర్తించారు. ముఖ్యంగా కాలిఫోర్నియా బాదంలో ఆరోగ్యకరమైన కొవ్వులు, డైటరీ ఫైబర్, మెగ్నీషియం, పొటాషియం మరియు జింక్‌తో సహా 15 ముఖ్యమైన పోషకాలు ఉంటాయి. కొత్త సర్వే ఫలితాలపై పోషకాహార నిపుణురాలు డాక్టర్ రోహిణి పాటిల్ మాట్లాడుతూ “ఈ ప్రపంచ ప్రోటీన్ దినోత్సవం నాడు, ప్రోటీన్ ఒక కీలకమైన పోషకం అని నేను నొక్కి చెప్పాలనుకుంటున్నాను. భారతీయ వినియోగదారులు దాని ప్రయోజనాల గురించి ఎక్కువగా తెలుసుకుంటున్నారు. బాదం, ప్రోటీన్ యొక్క అత్యంత సహజ వనరులలో ఒకటి, కండరాల ఆరోగ్యానికి మద్దతు ఇస్తుంది, బ్రేక్‌ఫాస్ట్ బౌల్స్, సలాడ్‌లు, స్మూతీలు లేదా ఇంట్లో తయారుచేసిన ఎనర్జీ బార్‌లలో సులభంగా జోడించవచ్చు” అని అన్నారు.

భారతదేశంలో 10 మందిలో 6 గురు కంటే ఎక్కువ మంది బాదంపప్పులను అధిక ప్రోటీన్ వనరుగా గుర్తించారని మరియు 10 మందిలో 8 కంటే ఎక్కువ మంది స్పందన దారులు ప్రతిరోజూ బాదంపప్పును తీసుకుంటున్నారని సర్వే వెల్లడించింది , 47% మంది భారతీయులు బాదంపప్పులో ఉన్న అధిక ప్రోటీన్ కంటెంట్‌ను తాము తినడానికి ముఖ్య కారణంగా పేర్కొంటున్నారని, ఇది బాదం వినియోగానికి మొదటి మూడు కారణాలలో ఒకటిగా నిలిచిందని ఇది వెల్లడించింది. ఈ ధోరణి ముఖ్యంగా దక్షిణాది (50%), తరువాత పశ్చిమ (47%), తూర్పు (46%) మరియు ఉత్తరం (44%) లలో బలంగా ఉంది. 56% మంది ఇతర స్నాక్స్ కంటే బాదంపప్పును ఎంచుకోవడానికి ప్రాథమిక కారణంగా ప్రోటీన్ అని చెబుతున్నారు. కండరాల పునరుద్ధరణలో బాదం పాత్ర గురించి న్యూఢిల్లీలోని మ్యాక్స్ హెల్త్‌కేర్, డైటెటిక్స్ రీజినల్ హెడ్ రితికా సమద్దర్ మాట్లాడుతూ, “ కండరాలు కోలుకోవడానికి, కండరాల నొప్పిని తగ్గించడానికి మరియు ఇంటెన్సివ్ వ్యాయామం సమయంలో కండరాల పనితీరును మెరుగుపరచడానికి బాదం సహాయపడుతుందని ఒక అధ్యయనం తెలిపింది. బాదం పప్పులను దాని గొప్ప పోషక ప్రొఫైల్ కోసం మాత్రమే కాకుండా, చిరుతిండిగా దాని ఆరోగ్యకరమైన ప్రయోజనాల కోసం కూడా సిఫార్సు చేస్తున్నాను..” అని అన్నారు.
వయస్సు ఆధారిత ప్రాధాన్యతలు: అన్ని వయసుల తరగతులలో , భారతదేశంలో ఎక్కువగా ఇష్టపడే గింజల ఆధారిత చిరుతిండిగా బాదం నిలిచింది. అన్ని తరాల వారిలో ఉదయం వినియోగం ఒక ప్రసిద్ధ ఎంపికగా ఉన్నప్పటికీ, జెన్-జి మరియు యువ మిలీనియల్స్ (వరుసగా 13% మరియు 12%) వ్యాయామం తర్వాత బాదంపప్పును ఇష్టపడతారు, 35-44 మరియు 45+ వయస్సు గల వారిలో ఇది 10% మరియు 8% గా ఉంది. స్నాక్‌గా పెరుగుతున్న ప్రజాదరణ: బాదం ఆరోగ్యకరమైన స్నాక్ ఎంపికగా విస్తృత ఆమోదం పొందింది, దాదాపు 55% మంది భారతీయులు పగటిపూట స్నాక్‌గా బాదంపప్పును ఇష్టపడుతున్నారు. ఈ ధోరణి ముఖ్యంగా లూథియానా (69%) మరియు బెంగళూరు (63%)లలో బలంగా ఉంది, తరువాత ఢిల్లీ ఎన్సీఆర్, అహ్మదాబాద్ (ఒక్కొక్కటి 58%) ఉన్నాయి.
వినియోగ అలవాట్లు: సగటున, భారతీయులు రోజుకు 6-8 బాదం పప్పులను తీసుకుంటున్నారు, ఎక్కువ మంది ఉదయం వాటిని తింటారు (43%) లేదా అల్పాహారంతో పాటు (24%) తింటారు. వినియోగ సమయంలో ప్రాంతీయ వైవిధ్యాలు: ఉదయం పూట బాదంను ముందుగా తినే అలవాటు ఉత్తర భారతదేశంలో (48%) ఎక్కువగా కనిపిస్తుంది, అయితే దక్షిణ భారతదేశంలో దాదాపు 20% మంది ప్రజలు ఆకలిగా అనిపించినప్పుడల్లా వాటిని తినేస్తున్నట్లు నివేదిస్తున్నారు, ఈ ధోరణి ఈ ప్రాంతానికి మాత్రమే ప్రత్యేకమైనది. న్యూట్రిషన్ అండ్ వెల్నెస్ కన్సల్టెంట్ షీలా కృష్ణస్వామి మాట్లాడుతూ “భారతదేశంలో, స్నాక్స్ తీసుకోవడం రోజువారీ ఆహారంలో అంతర్భాగం. మనం ఏమి, ఎప్పుడు, ఎలా తీసుకుంటాము అనే విషయానికి వస్తే మితంగా మరియు జాగ్రత్తగా ఉండాలని నేను ఎల్లప్పుడూ సిఫార్సు చేస్తున్నాను..” అని అన్నారు. మొత్తంమీద, ఈ సర్వే బాదం పప్పును అధిక ప్రోటీన్ కలిగిన చిరుతిండిగా మరియు రోజువారీ పోషకాహారంలో ప్రోటీన్ పాత్రను హైలైట్ చేసింది. ప్రోటీన్‌కు మించి దాని పోషక ప్రయోజనాలు విస్తరించడంతో, భారతదేశం అంతటా ఆరోగ్య స్పృహ ఉన్న వ్యక్తులకు బాదం పప్పు ఇష్టమైన ఎంపికగా కొనసాగుతోంది.

Spread the love

Related posts: