యూనిక్‌ థ్రిల్లర్‌..

అల్లరి నరేష్‌ నటిస్తున్న ’12ఎ రైల్వే కాలనీ’ ఇప్పటికే నిర్మాణం పూర్తి చేసుకుంది. ‘పొలిమేర, పొలిమేర 2’ చిత్రాలతో గుర్తింపు తెచుకున్న డాక్టర్‌ అనిల్‌ విశ్వనాథ్‌ ఈ చిత్రానికి షోరన్నర్‌గా వ్యవహరిస్తూనే కథ, స్క్రీన్‌ప్లే, డైలాగ్స్‌ అందిస్తున్నారు. శ్రీనివాసా సిల్వర్‌ స్క్రీన్‌ బ్యానర్‌పై పవన్‌ కుమార్‌ సమర్పణలో శ్రీనివాసా చిట్టూరి నిర్మించిన ఈ చిత్రంతో నాని కాసరగడ్డ దర్శకుడిగా పరిచయం అవుతున్నారు. ఆయనే ఎడిటర్‌.
సోమవారం ఈ చిత్ర విడుదల తేదీని మేకర్స్‌ ప్రకటించారు. నవంబర్‌ 21న ప్రపంచవ్యాప్తంగా బిగ్‌ స్క్రీన్‌లలోకి రానుంది. అల్లరి నరేష్‌ ఈ చిత్రంలో డిఫరెంట్‌ షేడ్స్‌ ఉన్న పాత్రను పోషిస్తున్నారు. ‘పొలిమేర’ సిరీస్‌లో ఆకట్టుకున్న డాక్టర్‌ కామాక్షి భాస్కర్ల హీరోయిన్‌గా నటిస్తున్నారు. సాయి కుమార్‌, వైవా హర్ష, గెటప్‌ శ్రీను, సద్దాం, జీవన్‌ కుమార్‌, గగన్‌ విహారి, అనిష్‌ కురువిల్లా, మధుమణి కీలక పాత్రలు పోషించారు. ఈ చిత్రానికి డిఓపి: కుశేందర్‌ రమేష్‌ రెడ్డి, సంగీతం: భీమ్స్‌ సిసిరోలియో.