‘కొక్కోరొకో’ షూటింగ్‌ పూర్తి

యంగ్‌ టాలెంట్‌ను ఎంకరేజ్‌ చేస్తూ దర్శకుడు రమేష్‌ వర్మ ఆర్‌.వి.ఫిల్మ్‌ హౌస్‌ను స్టార్ట్‌ చేసి నిర్మాతగా మారారు. అందులో భాగంగా శ్రీనివాస్‌ వసంతల అనే యంగ్‌ డైరెక్టర్‌ను పరిచయం చేస్తూ ‘కొక్కోరొకో’ అనే యాంథాలజీని రూపొందించారు. ఐదు విభిన్నమైన పాత్రల ఆధారంగా ఈ మూవీ తెరకెక్కనుంది. ఈ సినిమా షూటింగ్‌ పూర్తయ్యింది. ఈ విషయాన్ని మేకర్స్‌ డిఫరెంట్‌ పోస్టర్‌ ద్వారా అనౌన్స్‌ చేశారు. వినూత్న ఆలోచనలతో డైరెక్టర్‌ శ్రీనివాస్‌ వసంతల.. విజువల్‌ గ్రాండియర్‌గా, బలమైన ఎమోషన్స్‌ కలగలిపి ఈ సినిమాతో ప్రేక్షకులకు ఓ యూనిక్‌ సినిమాటిక్‌ ఎక్స్‌పీరియెన్స్‌ను అందించబోతున్నారు.

రైటర్‌ జి.సత్యమూర్తి తనయుడు.. మ్యూజిక్‌ డైరెక్టర్‌ దేవిశ్రీప్రసాద్‌ సోదరుడైన ప్లే బ్యాక్‌ సింగర్‌ జివి సాగర్‌ ఈ సినిమాకు డైలాగ్స్‌ రాశారు. ఈ చిత్రానికి సినిమాటోగ్రఫీని ఆకాశ్‌ ఆర్‌ జోషి, సంగీతాన్ని లండన్‌కు చెందిన ప్యాషనేట్‌ మ్యూజిక్‌ డైరెక్టర్‌ సంకీర్తన్‌ అందిస్తున్నారు. ఈ చిత్రానికి రేఖా వర్మ, కురపాటి శిరీష నిర్మాతలు. నీలాద్రి ప్రొడక్షన్‌ సహ నిర్మాత. ప్రవీణ్‌ పూడి ఎడిటర్‌. కొత్త టాలెంట్‌తో పాటు అనుభవం ఉన్న టీమ్‌తో రూపొందుతోన్న ఈ సినిమా ప్రేక్షకులను మెప్పించనుంది. ఈ సినిమాకు కథ, స్క్రీన్‌ప్లేన రమేష్‌ వర్మ అందించారు. కొత్తదనం కలిగిన యువ ప్రతిభతో పాటు అనుభవం ఉన్న టెక్నీషియన్ల సమ్మేళనంతో రూపొందుతున్న ఈ సినిమా ప్రేక్షకులను కచ్చితంగా అలరిస్తుందనే ఆశాభావాన్ని మేకర్స్‌ వ్యక్తం చేశారు.