నవతెలంగాణ – మెండోర
వెల్గటూర్ లిటిల్ ఫ్లవర్ హైస్కూల్ విద్యార్థులు జిల్లా స్థాయి సీనియర్ లెవల్ వేదిక్ మ్యాథ్స్,అబాకస్ పోటీలలో జిల్లాస్థాయి టైటిల్ కైవసం చేసుకున్నారని పాఠశాల కరస్పాండెంట్ అజ్మత్ పాషా తెలిపారు. ఈ సందర్భంగా ఆయన మాట్లాడుతూ జిల్లా స్థాయి సీనియర్ లెవల్ వేదిక్ మ్యాథ్స్, అబాకస్ లలో మా విద్యార్థులు టైటిల్ కైవసం చేసుకోవడం ఆనందంగా ఉందని అన్నారు.
వేదిక్ మ్యాథ్స్ విభాగంలో 9వ తరగతి విద్యార్థి మణిదీప్ రాష్ట్ర స్థాయి పోటీలకు ఎంపిక అయ్యాడని తెలిపారు. మణిదీప్ రాష్ట్ర స్థాయి పోటీలకు ఎంపిక కావడం ఇది రెండవసారి అని ఆయన సంతోషాన్ని వ్యక్తం చేశారు. అదేవిధంగా అబాకస్ సీనియర్ లెవెల్ విభాగంలో ఉసికెల హన్విత 4వ తరగతి, హన్విక 5వ తరగతి విద్యార్థులు రాష్ట్ర స్థాయి పోటీలకు
ఎంపికయ్యారని తెలిపారు. ఉత్తమ ప్రతిభ కనబరిచిన విద్యార్థులకు పాఠశాల కరస్పాండెంట్, ప్రిన్సిపాల్ అజ్మత్ పాషా, పాఠశాల ఉపాధ్యాయిని ఉపాద్యాయులు అభినందించారు.
