అరటి తొక్కతో…

మెరిసే చర్మం, అందమైన ముఖం కోసం చాలా మంది రకరకాల క్రీములు, ఫేస్ ప్యాక్‌లు ఉపయోగిస్తుంటారు. కానీ వాటిలో ఉండే రసాయనాలు కొన్నిసార్లు దుష్ప్రభావాలకు దారితీస్తాయి. అయితే, ఇంట్లోనే లభించే అరటి తొక్కతో సహజమైన పద్ధతిలో మీ ముఖ సౌందర్యాన్ని పెంచుకోవచ్చని ప్రకృతి వైద్య నిపుణులు చెబుతున్నారు. సాధారణంగా మనం పారవేసే అరటి తొక్కలలో యాంటీఆక్సిడెంట్లు పుష్కలంగా ఉంటాయి. వీటిని సరిగ్గా ఉపయోగిస్తే అద్భుతమైన ఫలితాలు కనిపిస్తాయి.

అరటి తొక్క ఫేస్ ప్యాక్ తయారీ విధానం
పేస్ట్: మొదటగా ఒక అరటి తొక్కను చిన్న ముక్కలుగా కట్ చేసి మెత్తని పేస్ట్‌లాగా గ్రైండ్ చేయండి.
ప్యాక్ మిశ్రమం: ఈ పేస్ట్‌లో అర చెంచా బియ్యం పిండి, అర చెంచా చక్కెర కలపండి.
అప్లై చేయడం: ఈ మిశ్రమాన్ని మీ ముఖానికి, మెడకు అప్లై చేసి అరగంట పాటు ఉంచండి. ఆ తర్వాత చల్లటి నీటితో శుభ్రం చేసుకోండి.

ప్యాక్ ప్రయోజనాలు
బియ్యం పిండిలో ఉండే స్టార్చ్ చర్మానికి మెరుపునిచ్చి, బిగుతుగా చేస్తుంది. చక్కరలో గ్లైకోలిక్ యాసిడ్ ఉంటుంది, ఇది చనిపోయిన చర్మ కణాలను తొలగించడంలో సహాయపడుతుంది.
అరటి తొక్కలోని పొటాషియం చర్మాన్ని హైడ్రేట్ చేసి, నల్ల మచ్చలు, టానింగ్ వంటి సమస్యలను తగ్గిస్తుంది. ఈ ప్యాక్‌ను క్రమం తప్పకుండా వాడితే మంచి ఫలితాలు కనిపిస్తాయి.