ఏఐ+ స్మార్ట్‌ఫోన్ లకు కొత్త ధరలు

నవతెలంగాణ హైదరాబాద్: ఏఐ+ (AI+) స్మార్ట్‌ఫోన్ పెరుగుతున్న విడిభాగాల మరియు ముడిసరుకుల వ్యయం వల్ల తమ ఎంపిక చేసిన ఫోన్లపై రూ. 2,000 వరకు ధరలను పెంచుతున్నట్లు ప్రకటించింది. ఈ నూతన ధరల సవరణ తక్షణమే అమల్లోకి వస్తుంది. మెమరీ, రవాణా, మరియు లాజిస్టిక్స్ ఖర్చులు పెరగడంతో పరిశ్రమ ఎదుర్కొంటున్న సవాళ్ల దృష్ట్యా ఈ నిర్ణయం తీసుకోక తప్పలేదని కంపెనీ తెలిపింది.

వినియోగదారులపై భారం తగ్గించేందుకు చాలావరకు అదనపు వ్యయాన్ని కంపెనీయే భరించినప్పటికీ, దీర్ఘకాలిక నాణ్యత మరియు స్థిరత్వాన్ని కాపాడేందుకు నియంత్రిత ధరల పెంపు అవసరమైందని సీఈఓ మాధవ్ షెత్ వివరించారు. ధరలు సవరించినప్పటికీ, వినియోగదారులకు ధరకు తగిన అత్యుత్తమ సాంకేతికతను మరియు విలువను అందించడంపైనే ఏఐ+ దృష్టి సారిస్తుందని కంపెనీ స్పష్టం చేసింది.