నవతెలంగాణ హైదరాబాద్: ప్రపంచంలో అతిపెద్ద ఆన్‌లైన్ బస్ టికెటింగ్ ప్లాట్‌ఫామ్ అనగానే మనకు గుర్తుకువచ్చేది రెడ్ బస్. ఇప్పటికే ఎంతోమంది వినియోగదారులకు విస్తృతమైన సేవలందిస్తున్న రెడ్ బస్… భారతదేశంలో ట్రావెల్ ఎకో సిస్టమ్ లో జరుగుతున్న పరిణామాలపై ఎప్పటికప్పుడు రిపోర్ట్ ని అందిస్తోంది. తాజాగా రెడ్బస్… ఇంటర్‌సిటీ ట్రావెల్ ట్రెండ్‌లను వివరంగా పరిశీలిస్తూ తన వార్షిక బస్‌ట్రాక్ నివేదికను విడుదల చేసింది. ఈ నివేదిక… దేశంలోని అత్యంత చురుకైన ఇంటర్‌సిటీ ట్రావెల్ మార్కెట్లలో కీలకమైన పొజిషన్ లో ఆంధ్రప్రదేశ్ , తెలంగాణ చాలా కీలకంగా ఉన్నాయని చాటిచెప్పింది. అంతేకాకుండా మరెన్నో చాలా ముఖ్యమైన విషయాల్ని ఈ నివేదిక ఆవిష్కరించింది.
FY25లో, రెండు రాష్ట్రాలు సమష్టిగా బుకింగ్‌లలో ఏడాదికి 30% వృద్ధిని నమోదు చేశాయి. ఈ అభివృద్ధి డిజిటల్ బుకింగ్ ప్లాట్‌ఫారమ్‌ల వల్ల సాధ్యమైందని రిపోర్ట్ చెప్తోంది. అంతేకాకుండా స్వల్ప , సుదూర మార్గాలకు బస్సు ప్రయాణంపై బలమైన ఆధారపడటాన్ని నొక్కి చెబుతుంది.
● ఆంధ్రప్రదేశ్ & తెలంగాణకు సంబంధించిన ముఖ్యమైన విషయాలు:
● టాప్ ఇంటర్‌సిటీ మార్గాలు: హైదరాబాద్-బెంగళూరు, హైదరాబాద్-విజయవాడ, తిరుపతి-బెంగళూరు, , విశాఖపట్నం-హైదరాబాద్ అత్యంత రద్దీగా ఉండే మార్గాల్లో ఉన్నాయి. ఇవి హైదరాబాద్ ప్రధాన రవాణా కేంద్రం అనే విషయాన్ని చాటి చెప్పాయి.
● బుకింగ్ బిహేవియర్: 56% మంది ప్రయాణికులు ఒకే రోజు బుకింగ్‌లు చేయగా, 40% మంది 1–7 రోజుల ముందుగానే బుక్ చేసుకున్నారు. ఇది అప్పటికప్పుడు టిక్కెట్లు బుక్ చేసుకునే బిహేవియర్ నుంచి కాస్త ముందుగానే ప్లాన్ చేసుకునే బిహేవియర్ ని సూచిస్తుంది.
● టైర్ 2 సర్జ్: ఈ ప్రాంతంలోని టైర్ 2 పట్టణాలు ఏడాదికి 33% వృద్ధిని నమోదు చేశాయి. నెల్లూరు, రాజమండ్రి, వరంగల్ వంటి చిన్న పట్టణాలు వేగవంతమైన డిజిటల్ మోడ్ ని స్వీకరిస్తున్నాయని తెలుస్తోంది.
● వీక్ డే ప్రాధాన్యత: 70% ట్రిప్పులు వారపు రోజులలో బుక్ చేయబడ్డాయి, ఇది అవసరమైన , పని-ఆధారిత ప్రయాణ అవసరాన్ని సూచిస్తుంది.
● బస్సు టైప్ ఛాయిస్: ప్రయాణికులు స్లీపర్ బస్సులు (71%) , AC బస్సులు (68%) లకు ప్రాధాన్యతను ఇచ్చారు. రాత్రిపూట , సౌకర్య-ఆధారిత ప్రయాణంపై, ముఖ్యంగా ఎక్కువదూరం ఉండే మార్గాలకు నిరంతర ప్రాధాన్యతను సూచిస్తుంది.
ఏప్రిల్ 2024 నుండి మార్చి 2025 వరకు సమయాన్ని ఆధారంగా చేసుకుని రూపొందించిన బస్‌ట్రాక్ నివేదిక… రెడ్బస్ ప్లాట్‌ఫామ్ నుండి మిలియన్ల లావాదేవీలపై ఆధారపడి ఉంటుంది, ఇది దేశవ్యాప్తంగా ఆపరేటర్లు, ప్లానర్లు, మొబిలిటీ స్ట్రాటజిస్టులకు కీలకమైన విషయాల్ని అందిస్తుంది.
“ఆంధ్రప్రదేశ్ – తెలంగాణ ఎల్లప్పుడూ ఇంటర్‌సిటీ ప్రయాణంలో ముందంజలో ఉన్నాయి, హైదరాబాద్ ప్రధాన జాతీయ మార్గాలకు కేంద్రంగా ఉంది. ఈ నివేదిక హైదరాబాద్ యొక్క స్థిరమైన డిమాండ్, పెరుగుతున్న సౌకర్య ప్రాధాన్యతలు , లోతైన డిజిటల్ ప్రవర్తనను ధృవీకరిస్తుంది, టైర్ 1 నగరాలతో పోల్చినా కూడా అని అన్నారు రెడ్బస్ సీఎమ్ఓ పల్లవి చోప్రా.
