ఇచ్చిన ప్రతి హామీల కంటే ఎక్కువగానే నెరవేర్చా..

గత ఎన్నికల సమయంలో ప్రజల కిచ్చిన హామీల కంటే అధికంగానే నెరవేర్చానని, ప్రతిపక్ష పార్టీల నాయకులు చేసే విమర్శలను అసలు పట్టించుకోనని ఆర్టీసీ చైర్మన్, నిజామాబాద్ రూరల్ ఎమ్మెల్యే బాజిరెడ్డి గోవర్దన్ అన్నారు. గురువారం డిచ్ పల్లి మండల కేంద్రంలో ఏర్పాటు చేసిన విలేకరుల సమావేశంలో బాజిరెడ్డి గోవర్ధన్ మాట్లాడారు. కాంగ్రెస్, బీజేపీ నాయకులు  సాగునీరు తేవడం లేదని ఆరోపిస్తున్నారని, రైతులకు సాగు నీరు కు ప్రస్తుతం కొదవలేదన్నారు. రూ.2000 కోట్లు వ్యయంతో మంచిప్ప రిజర్వాయర్ నిర్మాణ పనులు కొనసాగుతున్నా యన్నారు. కుడి, ఎడమ రెండు వైపులా పైపైన్ పనులు దాదాపు పూర్తయ్యాయని, ప్రతిపక్ష పార్టీల నాయకుల అబద్దపు మాటలను నమ్మి కొందరు రైతులు తమ పంట భూముల్లో నుండి పైప్ లైన్ వేయనీయక పోవడంతో నీళ్లు  వ్వలేకపోయామని, నీళ్లు ఇవ్వడానికి రెడీగా ఉన్నా కావాలనే రైతులను రేచ్చగోడ్తున్నరని దింతో కాస్త ఆలస్యం అవుతుందన్నారు. ఎట్టి పరిస్తితుల్లోనూ పాత డిజైన్ ప్రకారం పనులు జరిగే అవకాశం లేదని ఈ విషయం గమనించి రైతులు పైప్ లైన్  ఏర్పాటుకు సహకరించాలని ఎమ్మెల్యే బాజిరెడ్డి గోవర్ధన్ కోరారు.త్వరలో రూరల్ నియోజకవర్గంలో 300 మంది లబ్దిదారులకు బీసీ బంధు కింద ఒక్కొక్కరికి లక్ష చొప్పున అందజేస్తామని ఎమ్మెల్యే బాజిరెడ్డి గోవర్ధన్ తెలిపారు. ముస్లిం మైనార్టీ బంధుకు 100 మంది లబ్దిదారులకు లక్ష చొప్పున అందజేస్తామన్నారు. నియోజకవరంలోని 1100 మంది లబ్దిదారులకు దళిత బంధు అందజేస్తామన్నారు.ఎస్సీ జనాభా కనుగుణంగా ఆయా మండలాల్లో లబ్దిదారులను ఎంపిక చేస్తారని తెలిపారు. అలాగే ఇటీవల ప్రభుత్వం ప్రకటించిన గృహలక్ష్మి పథకానికి నియోజకవర్గంలో 3వేల మంది లబ్దిదారులను ఎంపిక చేస్తామన్నారు. ఒక్కొక్కరికి రూ. 3లక్షల చొప్పున మండలానికి 400 మంది కి గృహ లక్ష్మి అందజేస్తామన్నారు. సీఎం కేసీఆర్ను అడిగి మరో 2 వేలు అదనంగా గృహలక్ష్మి కి అనుమతి తీసుకురావడానికి కృషి చేస్తున్నట్లు తెలిపారు. డిచ్ పల్లి మండలంలో కాస్త అధికంగా లబ్దిదారులకు గృహలక్ష్మి అందజేయడానికి కృషి చేస్తామన్నారు.