వికారాబాద్ జిల్లా దోమ మండలం, కొత్తపల్లి గ్రామానికి, కులకచర్ల మండలం చెల్లాపూర్ గ్రామానికి శివారు ప్రాంతం బుర్కగడ్డలో రైతుల వ్యవసాయభూమి నివాసాలున్న చోట, దాదాపూర్ జి.ప.ఉ.పాఠశాలలో 6వ తరగతి చదువుతున్న అబ్బాయి దొబ్బలి శివకుమార్కు దొరికిన ఈ రాతిపరికరాన్ని ఎ.శాంతకుమార్, ఎం.కృష్ణ- ఉపాధ్యాయులు, కొత్త తెలంగాణ చరిత్రబృందం సభ్యులకు చూపించాడు. ఈ రాతిపనిముట్టు పొడవు 12.5 సెం.మీ., వెడల్పు 8.5సెం.మీ., మందం 3.5 సెం.మీ.లున్నాయి.
ఈ రాతిపనిముట్టు లభించిన ప్రదేశానికి ఉత్తర, దక్షిణాలలో చిన్నగుట్టలున్నాయి. దక్షిణం గుట్ట పూర్తిగా ‘పలుగు(Quartz) రాళ్ళ’తో నిండివుంది. ఉత్తరాన గ్రానైట్ రాళ్ళగుట్ట కనపడుతున్నది. పడమర లోతట్టుప్రాంతంలో నీటికుంట వుంది.
ఈ రాతిపరికరం (Rock Tool) ఫొటోలను అంతర్జాతీయ ప్రాక్చరిత్రకారుడు రవికొరిసెట్టర్ (కర్ణాటక), శ్రీరామోజు హరగోపాల్, కన్వీనర్, కొ.తె.చ.బందం పరిశీలించి, అది తొలి పాతరాతియుగం లేదా అషూలియన్ రాతిపనిముట్టు రాతి గొడ్డలిగా నిర్ధారించారు.
సెయింట్-అషూలియల్ యొక్క టైప్ సైట్ తర్వాత ఫ్రెంచ్ అషూలీన్ నుండి వచ్చిన అషూలియల్, రాతి పనిముట్ల తయారీకి సంబంధించిన ఒక పురావస్తు పరిశ్రమ, ఇది హోమో ఎరెక్టస్తో అనుబంధించబడినదని, ఈ పనిముట్టు వయసు కనీసం లక్షసంవత్సరాలకు ముందటిదేనని శ్రీరామోజు హరగోపాల్ చెప్పారు.
ఆధారం:
– Acheulean (1.76-0.13 Ma)
– Madrasian (1.5 Ma)
– Soanian (500-130 ka)
– Clactonian (424-400 ka)
– Mugharan (400-220 ka)
క్షేత్ర పరిశీలన: ఎ.శాంతకుమార్, ఎం.కృష్ణ, 8008992416
కొత్త తెలంగాణ చరిత్ర బృందం సభ్యులు-విషయనిపుణులు: గౌరవనీయ అంతర్జాతీయ ప్రాక్చరిత్రకారులు రవి కొరిసెట్టర్, కర్ణాటక
శ్రీరామోజు హరగోపాల్,
కన్వీనర్, కొత్త తెలంగాణ చరిత్ర బృందం-9949498698