నవతెలంగాణ-హైదరాబాద్ : పార్లమెంట్ ఎన్నికల ఫలితాలపై తెలంగాణ కాంగ్రెస్ సీనియర్ నేత, మాజీ ఎంపీ వీ.హనుమంత రావు కీలక వ్యాఖ్యలు చేశారు. సోమవారం వీహెచ్ మీడియాతో మాట్లాడుతూ.. ఈ సారి కేంద్రంలో ఇండియా కూటమిదే విజయం అన్నారు. తరచూ 400 సీట్లు అంటూ మోడీ, అమిత్ షాలు దేశ ప్రజలను మభ్యపెడుతున్నారని మండిపడ్డారు. ప్రధాని మోడీ కావాలనే రాహుల్ గాంధీపై విమర్శలు చేస్తున్నారని ఆగ్రహం వ్యక్తం చేశారు. తాము ఓడిపోయే పరిస్థితి లేదని.. రాహుల్‌కు పారిపోవాల్సిన అవసరం లేదని అన్నారు. కాంగ్రెస్ ప్రభుత్వం అధికారంలోకి వచ్చాక బీజేపీ బడా నేతలంతా విదేశాలకు పారిపోతారని ఎద్దేవా చేశారు. ఇండియా కూటమిని చూసి మోడీ భయపడుతున్నారన్నారు. మోడీ పదేళ్ల పాలనలో అదానీ, అంబానీలకు మాత్రమే న్యాయం చేశారని విమర్శించారు. తెలంగాణలో బీజేపీ ఎక్కడా లేదని.. చాలాచోట్ల డిపాజిట్లు కోల్పోవడం ఖాయమన్నారు. ఫలితాల తర్వాత వాస్తవ పరిస్థితి వారికే తెలుస్తుందని చెప్పారు. మోడీ వల్ల ఒక్క మంచి పని జరుగలేదని అన్నారు. మణిపూర్‌లో మహిళల బట్టలు విప్పి నడిపిస్తే మోడీ కనీసం మాట్లాడలేదని అన్నారు.
Related posts:
సీపీఐ(ఎం) రాష్ట్ర కార్యదర్శి తమ్మినేనికి అస్వస్థత
రేపు సాయంత్రంలోగా వివరాలు ఇవ్వండి: సీఎస్‌ శాంతికుమారి కీలక ఆదేశాలు
తమ్మినేని హెల్త్ బులెటిన్‌ విడుదల చేసిన ఏఐజీ ఆస్పత్రి
ఢిల్లీకి ఆరెంజ్ అలర్ట్…పంజాబ్, హ‌ర్యానాకు రెడ్ అలర్ట్
ఘనంగా ప్రారంభమైన జల్లికట్టు ఉత్సవాలు
పచ్చిమాంసం తినొద్దన్నందుకు … యువకుడి హత్య