నవతెలంగాణ-హైదరాబాద్ : మాదాపూర్‌లోని మూవింగ్ ఎడిన్ డిజిటల్ మార్కెటింగ్ కంపెనీలో శనివారం సాయంత్రం మంటలు చెలరేగడంతో ఆస్తి దగ్ధమైంది. ఈ ఘటనలో ఎలాంటి ప్రాణనష్టం జరగలేదు. అగ్నిమాపక అధికారులు తెలిపిన వివరాల ప్రకారం.. హైటెక్ సిటీ సమీపంలోని ఓ భవనంలోని పెంట్‌హౌస్‌లో మంటలు చెలరేగాయి. సమాచారం అందుకున్న మాదాపూర్ అగ్నిమాపక కేంద్రం నుంచి రెండు అగ్నిమాపక యంత్రాలు ఘటనా స్థలానికి చేరుకున్నాయి. అగ్నిమాపక సిబ్బంది మంటలను ఆర్పారు. షార్ట్ సర్క్యూట్ కారణంగా మంటలు చెలరేగి ఉండవచ్చని అధికారులు అనుమానిస్తున్నారు.
