క్రికెట్‌ నేపథ్య కామెడీ చిత్రం

జైశ్నవ్‌ ప్రొడక్షన్‌, మాహాతేజ క్రియేషన్స్‌లో ‘అద్భుతం, టెనంట్‌’ వంటి అద్బుతమైన చిత్రాలను నిర్మించిన మొగుళ్ళ చంద్రశేఖర్‌ నిర్మాణంలో రూపొందుతున్న మరో చిత్రం ‘జి.ఓ.ఎ.టి’. క్రికెట్‌ నేపథ్యంలోనే కామెడీ ప్రధాన అంశంగా తెరకెక్కుతున్న ఈ చిత్రంలో సుడిగాలి సుధీర్‌, దివ్యభారతి జంటగా నటించారు. ఇప్పటికే షూటింగ్‌ పూర్తి చేసుకున్న ఈ చిత్రం ప్రస్తుతం పోస్ట్‌ ప్రొడక్షన్‌ చివరి దశకి చేరుకుంది. బుధవారం మేకర్స్‌ ఈ సినిమాలోని ఫస్ట్‌ సింగిల్‌ ‘ఒడియమ్మ..’ సాంగ్‌ని రిలీజ్‌ చేసి, మ్యూజిక్‌ ప్రమోషన్స్‌ స్టార్ట్‌ చేశారు. ఈ సాంగ్‌ని మ్యూజిక్‌ డైరెక్టర్‌ జీవి ప్రకాష్‌ లాంచ్‌ చేశారు. లియోన్‌ జేమ్స్‌ ఈ పాటని అదిరిపోయే లవ్‌ మెలోడీగా కంపోజ్‌ చేశారు.

అనురాగ్‌ కులకర్ణి ఎనర్జిటిక్‌ వాయిస్‌ పాటకు మరింత అందాన్ని తీసుకొచ్చింది. సురేష్‌ బనిసెట్టి లిరిక్స్‌ హీరో ఎమోషన్స్‌ని అద్భుతంగా ప్రజెంట్‌ చేశాయి. ఈ సాంగ్‌లో సుధీర్‌, దివ్యభారతి కెమిస్ట్రీ ప్రత్యేక ఆకర్షణగా నిలిచింది. విజువల్స్‌ ప్లజెంట్‌గా ఉన్నాయి. ఈ లవ్‌ట్రాక్‌ అందరికీ ఇన్‌స్టంట్‌గా కనెక్ట్‌ అయ్యింది. ఈ ఆల్బమ్‌ సినిమాపై అంచనాలని మరింతగా పెంచింది. త్వరలోనే సినిమా రిలీజ్‌ డేట్‌ని మేకర్స్‌ అనౌన్స్‌ చేయనున్నారు అని చిత్ర బృందం తెలిపింది. మొట్ట రాజేంద్రన్‌, సర్వదమన్‌ బెనర్జీ, నితిన్‌ ప్రసన్న, పృథ్వి, అడుకులం నరైన్‌, ఆనందరామరాజు, పమ్మి సాయి, చమ్మక్‌ చంద్ర, నవీన్‌ నేని తదితరులు నటిస్తున్న ఈచిత్రానికి నిర్మాత: మొగుళ్ళ చంద్రశేఖర్‌, మ్యూజిక్‌: లియోన్‌ జేమ్స్‌.