అనుకున్నది జరుగకపోతే మనలో ఎవరిమైనా బాధపడతాం. అలాగే మనం చేసే ప్రయత్నంలో అవాంతరాలు, అడ్డంకులు, అవరోధాలు వాటితో పాటు ఓటమి ఎదురైతే నిరాశలోకి జారిపోతాం. కానీ మీరంటే పోటీగా భావించే అసూయాపరులు, ఈర్ష్యా పరులు ఎన్ని మాటలు అన్నా పట్టించుకోకుండా వుండాలి. చిన్న చిన్న పొరపాట్లను కూడా వెంటనే సరిదిద్దుకొని ముందుకు వెళితే మీకు ఎలాంటి ప్రతికూల ఫలితాలు రావు.
ప్రపంచంలో గొప్ప వ్యక్తులు, వ్యాపారస్తులు, చరిత్రను ప్రభావితం చేసిన వారు ‘వైఫల్యం’ చెందకుండా ‘సాఫల్యం’ దిశగా అడుగులు వేశారని ఎవరైనా చెప్పగలరా? అలాంటి వారు మీకు జల్లెడపట్టి వెతికినా దొరకరు.
‘వైఫల్యం’ మీరు సాధించబోయే విజయానికి ‘పునాది రాయి’ వంటిదన్న ప్రాథమిక సూత్రాన్ని మర్చిపోకూడదు. ఇక సూటిపోటి మాటలు మాట్లాడే అసూయపరులు లేకపోతే మీ లక్ష్యం ఏంటో మీకు గుర్తుంటుందా? అప్పుడప్పుడు మిమ్మల్ని చైతన్యం చేసే వ్యక్తులుగానే వారిని మీరు పరిగణించండి. అలాంటి వారి వల్లనే మీరు విజయం సాధించారని గర్వంగా చెప్పండి. మీ విజయంలో వారు భాగస్వామ్యులయ్యారని ఆనందపడకపోయినా మీరు ఇంకాస్త ఎక్కువ ఆనందపడతారు. అంతే తప్ప ఆగకుండా సాగిపోతే ఆ ప్రయాణం సులభం అవుతుంది.
ఈ సందర్భంగా ఓ చిన్న కథను చదవండి. ఒక మిణుగురు పురుగు (జుగ్ను) (ఖీఱతీవ ఖీశ్రీy) రాత్రి వేళల్లో స్వేఛ్చగా ఎగురుతు ప్రకతిని ఆస్వాదిస్తుంది. ఇంతలో ఓ కప్ప చూసి దానిని ఆరగించడానికి వెంటపడుతుంది. ఇది గమనించిన మిణుగురు పురుగు కప్పను మూడు ప్రశ్నలు అడుగుతుంది. మిత్రమా నన్ను ఎందుకు ఆహారంగా భూజించాలనుకుంటున్నావ్‌, నేను అంత రుచికరంగా ఉంటానా? అని. దానికి కప్ప లేదు అంటుంది. రెండవ ప్రశ్న నేను నీకు ఎప్పుడైనా, ఎక్కడైనా, ఏవిధంగానైనా నష్టం చేకూర్చానా అని? దానికి కప్ప లేదు అని సమాధానం చెప్తుంది. మరి నన్ను ఎందుకు పట్టుకోవాలనుకున్నావ్‌ అని అడుగుతుంది. దానికి కప్ప మౌనం వహించి మిణుగురుతో ఇలా అంటుంది… నువ్విలా చీకటిలో వెలుగుతూ వుంటే చూడలేకపోతున్నాను (అసూయ) అంటుంది.
లోకంలో ఇలాంటి వారు మిమ్మల్ని, మీ విజయాలను చూసి తట్టుకోలేని వారు మీ చుట్టూనే చాలా మంది పోగై వుంటారు. మీ పేరును, కష్టాన్ని భరించలేక మిమ్మల్ని అద: పాతాళానికి తొక్కాలని చూస్తారు. వీలైతే జిహ్వకు పనిచెప్పి లేనిపోనివి సష్టిస్తారు. మీ వ్యక్తిత్వాన్ని కించపర్చేలా హేళనగా మాట్లాడుతారు. అలాంటి వారి ప్రపంచం సంకుచితమైనది. వారు ఎన్ని రాళ్ళు వేసినా తిరిగి వారి మీద వేయకండి. వాటిని సేకరించుకొని విశాలమైన సామ్రాజ్యాన్ని నిర్మించుకోండి. మీ ఆనందాలను, మీ సంతోషాలను, మీ విజయాలను ఎవరైతే జీర్ణించుకోలేరో వారి ప్రగతి అక్కడే ఆగిపోతుంది. వాటిని పట్టించుకోకుండా ముందుకు వెళ్ళిన మీకు అసూయతో ఎవరు విమర్శలు చేసినా, మీ వెలుగులను ఎవ్వరు ప్రభావితం చెయ్యలేరని గుర్తించాలి.
అంతెందుకు ఇటీవలే 2, నవంబర్‌ 2025 న ప్రపంచ మహిళా వరల్డ్‌ కప్‌ క్రికెట్లో సువర్ణాధ్యాయం లిఖించబడింది. దక్షిణాఫ్రికాపై మన మహిళల జట్టు 58 పరుగులు 5 వికెట్ల తేడాతో గెలిచి, ఎన్నో ఏళ్ళుగా ఎదురుచూస్తున్న ప్రపంచ కప్‌ మహిళా క్రికెట్‌కు ముఖ్యంగా మనదేశంలో అమ్మాయిలు గొప్ప ప్రేరణ. 1973లో ఏర్పడిన భారత మహిళా క్రికెట్‌ సంఘం నాటి నుండి నేటి వరకు జరిగిన ప్రయాణంలో గత ఐదు దశాబ్దాలుగా ఎన్నో అవాంతరాలు, అవరోధాలు ఎదుర్కొని నేడు యావత్‌ దేశానికి మన మహిళా క్రికెట్‌ జట్టు ఎందులోనూ తక్కువ కాదు, ప్రోత్సాహం, రక్షణతో కూడిన వాతావరణం కల్పిస్తే అద్బుతాలు సష్టించగలమని నిరూపించారు. ప్రస్తుతం మహిళా జట్టులో వున్న అమ్మాయిల కుటుంబ నేపధ్యం, వారు ఎదుర్కొన్న ఆర్ధిక, సామాజిక ఇబ్బందుల గూర్చి తీస్తే ఒక్కొక్కరిది ‘మిల్కా సింగ్‌’ లాంటి సినిమా అవుతుంది. వీరికి సీనియర్‌ ఆటగాళ్ళు అంజుమ్‌ చోప్రా, ఝులన్‌ గో స్వామి, మిథాలి రాజ్‌ మొదలైన వారు నేటి కొత్తతరానికి ప్రేరణ. అందివచ్చిన అవకాశాన్ని చక్కగా సద్వినియోగం చేసుకొని విజేతలుగా నిలిచారు.
1983లో లార్డ్స్‌ మైదానంలో కపిల్‌ దేవ్‌ సేన మొదటిసారిగా ప్రపంచ క్రికెట్లో అద్బుతం సష్టించి మన దేశానికి మొదటి ప్రపంచ క్రికెట్‌ కప్‌ అందించి నాటితరానికి స్ఫూర్తి నింపారు. నేడు తాజాగా మహిళా క్రికెట్‌ జట్టు వర్ధమాన క్రీడాకారులందరికి కావల్సిన ప్రేరణ అందించారు. ఆటైనా, వత్తి ఐనా, చదువు అయినా, వ్యాపారమైనా ఏ రంగానికి వుండే ఒడిదొడుకులు ఆ రంగానికి వుంటాయి. ఎవరు ఎన్ని రకాలుగా విమర్శించినా, అవాంతరాలు ఎదురైనా అవి చిన్నచిన్న సమస్యలుగానే భావించాలి.
కాబట్టి ‘లక్ష్యం’ ఏదైనా కావొచ్చు. ఆటలు, పాటలు, చదువు, వ్యాపారం, ఉద్యోగం మొదలైనవి. పట్టుదలతో ప్రయత్నిస్తే విజయం పలకరించకుండా ఉంటుందా? అలా ఎంత కాలం జరుగుతుంది. ఒకసారి, రెండవసారి, మూడవ సారైనా దాన్ని ఎవరూ ఆపలేరు కదా? ఎవరో ఏదో అన్నారనో, మిమ్మల్ని పక్కదారి పట్టించాలనో ప్రయత్నం చేస్తే వారిని పట్టించుకోకండి. అలాంటి వారు మీ చుట్టూ వున్న బంధువులో, ఇరుగుపొరుగు వారో, స్నేహితులో కావొచ్చు. ఎవరైనా సరే వారికి సమాధానం మీ విజయం మాత్రమే.
చివరగా అంతర్జాతీయంగా పేరు ప్రతిష్టలు పొందిన ఆనంద్‌ మహింద్ర, అమెజాన్‌ వ్యవస్థాపకుడు జెఫ్‌ బెజోస్‌ గారి వైఫల్యాలు – సాఫల్యాల గూర్చి చెప్పి ముగిస్తాను. ఫోర్డ్‌ సంస్థతో కలిసి ఎస్కార్ట్‌ కారును తయారు చేసిన మహింద్ర కంపెనీకి చెందిన ఎస్కార్ట్‌ కారును మార్కెట్లో ఎవరు ఆదరించకపోవడం వల్ల కోట్లలో నష్టపోవాల్సి వచ్చింది. ఫలితంగా ఫోర్డ్‌ కంపెనీతో ఒప్పందం రద్దయ్యింది. ఐనా పట్టువదలకుండా కంపెనీ మెకానికల్‌ ఇంజనీర్ల కషి ఫలితంగా వచ్చిందే ‘స్కార్పియో’. అది మార్కెట్లో ప్రభంజనం సష్టించి కంపెనీకి మంచి పేరు తీసుకొని వచ్చింది. కంపెనీలో పనిచేసే ఉద్యోగులను నమ్మి కొత్తదాన్ని ప్రోత్సహించడం వల్లే ‘సక్సెస్‌’ ఐనట్లు ఎన్నో ఇంటర్వూల్లో ఆనంద్‌ మహింద్ర చెప్పారు.
అమెజాన్‌ వ్యవస్థాపకుడు జేప్‌ బెజోస్‌ వ్యాపార వైఫల్యాల గూర్చి చెబితే పెద్ద సిద్ధాంతం గ్రంధమే అవుతుంది. ఆయన జీవితం అతిపెద్ద సవాళ్ళతో మొదలైందనే విషయం చాలామందికి తెలిసి ఉండకపోవచ్చు. వ్యాపార విస్తరణ ప్రయోగాల్లో భాగంగా కోట్ల రూపాయలు పోగొట్టుకున్నా ఏనాడూ భయపడలేదు అంటాడు. ఫెయిల్యూర్స్‌ను రెండు రకాలు చెప్తాడు. ఒకటి కార్యాచరణ వైఫల్యం (ఉజూవతీa్‌ఱశీఅaశ్రీ ఖీaఱశ్రీబతీవర) అంటే తెలిసిన విషయాల్లో చేసే పొరపాట్లు, రెండోది ప్రయోగాత్మకమైన వైఫల్యం (జుఞజూవతీఱఎవఅ్‌aశ్రీ ఖీaఱశ్రీబతీవర) ఏదైనా కొత్తది ఆవిష్కరిస్తున్నప్పుడు చేసే పొరపాట్ల (ఉదా టాటా నానో కారు) ద్వారా వచ్చే వైఫల్యాల నుంచి వచ్చే అనుభవాల ద్వారా తిరిగి అలాంటి పొరపాట్లు చేయకుండా జాగ్రత్తపడడం మనకు మేలు చేస్తుంది అంటాడు. ఇవి ఒక ఆనంద మహింద్ర, జెఫ్‌ బెజోస్‌కి మాత్రమే వర్తించేవి కావు. ప్రతీ ఒక్కరికి వర్తించే విజయ రహస్యాలు. ఇలాంటివి పాటిస్తే ఏ వ్యక్తి ఐనా జీవితంలో ఎదగవచ్చు. ప్రారంభంలో ‘వైఫల్యాలు’ ఎదురైనా అంతిమంగా మాత్రం ”విజయం” వైపు పరుగులు తీస్తారని చెప్పవచ్చు.
కాబట్టి ఇలాంటి సూత్రాలను వ్యక్తిగత జీవితానికి అన్వయించుకొని, విద్యార్ధులైనా, వ్యాపారస్తులైనా చేసిన పొరపాట్లనే మళ్ళీమళ్ళీ చేయకుండా జాగ్రత్తపడితే ఖచ్చితంగా ‘సక్సెస్‌’ అవుతారు.
(త్వరలో రాబోతున్న కెరీర్‌ గైడెన్స్‌ పుస్తకం నుండి)
- డా||మహ్మద్‌ హసన్‌,
9908059234
