షష్టిపూర్తి వేళ సప్తపది

62 ఏండ్ల వయసులో ఆస్ట్రేలియా ప్రధాని వివాహం
సిడ్నీ : ఆస్ట్రేలియా ప్రధానమంత్రి ఆంథోనీ అల్బనీస్‌ శనివారం నాడు 62 ఏండ్ల వయసులో వివాహం చేసుకొని అరుదైన రీతిలో రికార్డులోకెక్కారు. తన చిరకాల స్నేహితురాలైన జోడీ హైడెన్‌ను ఆయన జీవితభాగస్వామిగా చేసుకున్నారు. అయితే ప్రధానమంత్రి హోదాలో ఒక వ్యక్తి వివాహం చేసుకోవడం ఇదే తొలిసారి. కాన్‌బెర్రాలోని ఆంథోని అధికారిక నివాసం ‘ది లాడ్జ్‌ గార్డెన్స్‌’లో అత్యంత సన్నిహితుల మధ్య వీరి వివాహ వేడుకలు జరిగాయి. ఈ విషయాన్ని సామాజిక మాధ్యమాల వేదికగా ఆంథోనీ వెల్లడించారు. ఇందులో తన జీవిత భాగస్వామి చేతిని పట్టుకొని నడుస్తున్న వీడియోను పంచుకున్నారు. ఐదేండ్ల క్రితం మెల్‌బోర్న్‌లో జరిగిన ఓ వ్యాపార విందులో హైడెన్‌, ఆంథోనీ మధ్య పరిచయం ఏర్పడింది. కొన్నేండ్లుగా హైడెన్‌, ఆంథోనీ పలు కార్యక్రమాలకు కలిసి హాజరవుతున్నారు. ఈ క్రమంలో వారి ఫొటోలు నెట్టింట సందడి చేశాయి. కాగా.. ఆంథోనీకి ఇది రెండో వివాహం. 2019లో ఆయన భార్యకు విడాకులిచ్చారు. వీరికి ఓ కుమారుడు ఉన్నాడు.